લંડન: શરૂઆતમાં લેબોરેટરીની ભૂલ તરીકે (UK monitoring hybrid Deltacron strain ) ઓળખાતો, 'ડેલ્ટાક્રોન' નામનો નવો વેરિઅંન્ટ વાસ્તવિક રીતે ઓમિક્રોન અને ડેલ્ટા સ્ટ્રેઈનનુ હાઈબ્રીડ હોઈ શકે છે. યુકે હેલ્થ સિક્યુરિટી એજન્સીના સાપ્તાહિક વેરિઅન્ટ સર્વેલન્સ રિપોર્ટ (UK Health Security Agency report on Deltacron ) અનુસાર, યુકેમાં આરોગ્ય અધિકારીઓએ એક જ સમયે ડેલ્ટા અને ઓમિક્રોન બંનેથી નિદાન કરાયેલ દર્દીને શોધી કાઢ્યો છે. જો કે, એજન્સીએ જણાવ્યું હતું કે, હજુ તે સ્પષ્ટ નથી કે, આ વેરિઅંન્ટ બીજા દેશમાંથી આવ્યો હતો કે, તેનો ઉદ્દભવ બ્રિટનમાં થયો હતો. \
આ પણ વાંચો: વુહાનના વૈજ્ઞાનિકોએ નવા વાઇરસ અંગે આપી ચેતવણી, 3 માંથી 1 દર્દીનું થશે છે મૃત્યુ
UKHSAના સ્ત્રોતે જણાવ્યું કે, અધિકારીઓ નવા વેરિઅંન્ટથી ચિંતિત નથી
UKHSA અધિકારીઓ પણ જાણતા નથી કે, આ નવો વાયરસ કેટલો ચેપી અથવા ગંભીર છે, રસીની તેના પર અસર કરશે કે કેમ ? UKHSAના સ્ત્રોતે ભારપૂર્વક જણાવ્યું હતું કે, અધિકારીઓ આ નવા વેરિઅંન્ટથી ચિંતિત નથી કારણ કે, તેના કેસોની સંખ્યા ઓછી છે, ત્યારે એજન્સીએ એ પણ જાહેર કર્યું નથી કે, તે કેટલી વખત જોવા મળ્યો છે.
ડેલ્ટા અને ઓમિક્રોન સ્ટ્રેન સામે યુકેમાં ઈમ્યુનિટી સારી
ઇસ્ટ એંગ્લિયા યુનિવર્સિટીના ચેપી રોગના નિષ્ણાત પ્રોફેસર પૌલ હન્ટરના જણાવ્યા અનુસાર, અત્યારે આ વેરિઅંન્ટનો ખતરો વધારે નથી કારણ કે, મૂળ ડેલ્ટા અને ઓમિક્રોન સ્ટ્રેન સામે યુકેમાં ઈમ્યુનિટી સારી છે, જેથી અત્યારે મને કોઈ ચિંતા નથી. તેમણે આ વિશે ટાંકીને કહ્યું કે, ડેલ્ટા અને ઓમિક્રોન બંને નષ્ટ થઈ રહ્યાં છે, તો આવી સ્થિતીમાં આ નવા વેરિઅંન્ટને ખતમ કરવા માટે સંઘર્ષ કરવો જોઈએ, એક અહેવાલ મુજબ ડેલ્ટાક્રોનનો પહેલો કેસ સાયપ્રસમાં નોંધાયો હતો.
આ પણ વાંચો: Kriya Medical RT PCR Kit: ક્રિયા મેડિકલ ટેક્નોલોજીસને RT-PCR કિટ માટે DCGIએ આપી મંજૂરી
ડેલ્ટાક્રોન ડેલ્ટા અને ઓમિક્રોન બંનેમાંથી એન્ટિજેન્સ પેદા કરશે
આ મહામારી દરમિયાન "રીકોમ્બિનન્ટ" વેરિઅંન્ટ શોધી કાઢવામાં આવ્યા છે, પરંતુ તેમાંથી કોઈ ગંભીર રીતે બિમારી થઈ નથી. વિજ્ઞાનીઓ કહે છે કે, આવું થવું "દુર્લભ" છે. ડેલ્ટાક્રોન "ડેલ્ટા અને ઓમિક્રોન બંનેમાંથી એન્ટિજેન્સ પેદા કરશે અને તેના માટે યુકે પાસે પહેલાથી જ ઉચ્ચ સ્તરની ઈમ્યુનિટી છે.
