ઓડિશા: રાયગડામાં એક જ હોટલમાં એક અઠવાડિયાની અંદર બે રશિયન પ્રવાસીઓના મોત (Two Russian tourists death in odisha) થયા છે. અને બે પ્રવાસીઓ હજુ હોટલમાં છે. પ્રથમ પ્રવાસીના અગ્નિસંસ્કાર પછી બીજા પ્રવાસી મૃત હાલતમાં મળી આવ્યો હતો. (Russian tourists death case)
બીજા પ્રવાસીના મોતને લઈને તપાસ: ઓડિશાની એક જ હોટલમાં એક સપ્તાહની અંદર બે રશિયન પ્રવાસીઓના મોત થયા છે. રશિયન ધારાશાસ્ત્રી અને પરોપકારી પાવેલ એન્ટોવ જેમણે યુક્રેન યુદ્ધ પર પુતિનની ટીકા કરી હતી, તે ઓડિશાના રાયગડા ક્ષેત્રમાં એક હોટલમાં મૃત હાલતમાં મળી આવ્યા હતા. હોટલના કૌશિક ઠક્કરે જણાવ્યું હતું કે 21મીએ ચાર લોકો અમારી હોટલમાં રહેવા આવ્યા હતા, જેમાંથી બેના મોત થયા હતા જ્યારે બે હજુ અહીં જ છે. અમે રશિયન એમ્બેસી તરફથી તેમના દસ્તાવેજોની રાહ જોઈ રહ્યા છીએ. પ્રથમ પ્રવાસી બેભાન મળી આવ્યો હતો, તબીબી તપાસ બાદ તે મૃત મળી આવ્યો હતો. બીજો પ્રવાસી તેના મિત્રના અગ્નિસંસ્કાર પછી માનસિક રીતે અસ્વસ્થ હતો, તે હોટલના પરિસરમાં પડેલો મળી આવ્યો હતો. જ્યારે હોસ્પિટલમાં લઈ જવામાં આવ્યો ત્યારે તે મૃત હાલતમાં મળી આવ્યો હતો.
આ પણ વાંચો: ફ્રાન્સના પેરિસમાં અંધાધૂંધ ગોળીબાર, 2નાં મોતની આશંકા
CIDને સોંપાશે કાર્યવાહી: ઓડિશાના ડીજીપીએ જણાવ્યું છે કે ચાર રશિયન પ્રવાસીઓ રાયગડા જિલ્લામાં આવ્યા હતા, તેમાંથી એકનું મૃત્યુ સંભવતઃ હૃદયની સમસ્યાને કારણે થયું હતું. બે દિવસ પછી તેમાંથી અન્ય એક વ્યક્તિનું અકુદરતી સંજોગોમાં મૃત્યુ થયું હતું. અમે સીઆઈડીને તપાસ માટે સાથે જોડાવા માટે સૂચના આપી છે. પાવેલ એન્ટોનોવ આત્મહત્યા દ્વારા મૃત્યુ પામ્યો હતો કે તે અકસ્માતે તે શોધવા માટે તપાસ કરવામાં આવી રહી છે.
આ પણ વાંચો: સાઉદી અરેબિયાએ પરીક્ષા હોલમાં હિજાબ પર પ્રતિબંધ મૂક્યો
ચાર રશિયન પ્રવાસીઓ રોકાયા હતા હોટલમાં: ઉલ્લેખનીય છે કે વ્લાદિમીર અને એન્ટોવ સહિત ચાર રશિયન પ્રવાસીઓ 21 ડિસેમ્બરે કંધમાલ જિલ્લાના દરિંગબાડીની મુલાકાત લીધી હતી. અને ત્યારબાદ રાયગડાની એક હોટલમાં રોકાયા હતા. 22 ડિસેમ્બરની સવારે તેમાંથી બી વ્લાદિમીરનું મૃત્યુ થયું હતું. પોસ્ટમોર્ટમ પછી જાણવા મળ્યું હતું કે તેને હાર્ટ સ્ટ્રોક આવ્યો હતો અને તેના અંતિમ સંસ્કાર કરવામાં આવ્યા હતા. મિત્ર પાવેલ એન્ટોનોવ તેમના મૃત્યુ પછી હતાશ હતો અને તે પણ 25 ડિસેમ્બરે મૃત્યુ પામ્યો હતો.
