- અફઘાનિસ્તાન તાલિબાનના નિયંત્રણમાં
- અફઘાનિસ્તાનના રાષ્ટ્રપતિએ છોડીયો દેશ
- કાબુલ એરપોર્ટ પર હોબાળો
કાબુલ: અફઘાનિસ્તાનમાં તાલિબાનના સંપૂર્ણ કબજા વચ્ચે હજારો લોકોએ કાબુલ છોડીને બીજા દેશમાં જવાનો પ્રયાસ કરી રહ્યા છે. એએફપીના સૂત્રોના જણાવ્યા અનુસાર સોમવારના રોજ સવારે કાબુલ એરપોર્ટ પર હોબાળો થયો હતો, ત્યારબાદ અમેરિકી દળોએ ભીડને વિખેરવા માટે હવામાં ગોળીબાર કર્યો હતો.
અફઘાનિસ્તાન હવે તાલિબાનના શાસનમાં
નોંધપાત્ર બાબત એ છે કે, રવિવારે કાબુલ કબજે કર્યા બાદ અફઘાનિસ્તાન હવે તાલિબાનના શાસનમાં છે, ત્યારે અફઘાનિસ્તાનના રાષ્ટ્રપતિ અશરફ ગનીએ પડોશી દેશ તાજિકિસ્તાનમાં આશરો લીધો છે. તે જ સમયે, તાલિબાનના સશસ્ત્ર સભ્યો રાષ્ટ્રપતિ મહેલનો કબજો લેતા હોવાની તસ્વીરો પણ સામે આવી હતી. અશરફ ગની સરકારે સ્વીકાર્યું છે કે, તાલિબાને 20 વર્ષ લાંબા યુદ્ધમાં જીત મેળવી છે.
આ પણ વાંચો: અફઘાનિસ્તાનની સ્થિતિ ભારત માટે સારો સંકેત નથી: કેપ્ટન અમરિંદર સિંહ
કાબુલ એરપોર્ટ પર પણ ભારે ભીડ છે અને લોકો એરપોર્ટ સત્તાવાળાઓને તેમને બહાર કાઢવાની વિનંતી કરી રહ્યા છે. તે જ સમયે, તાલિબાનને ચેતવણી આપી છે કે, રસ્તાઓ એરપોર્ટ અને બોર્ડર પ્રવેશ માર્ગોની બહાર જતા લોકોને કોઈ નુકસાન ન પહોંચાડે તે માટે અમેરિકાના નેતૃત્વમાં 65 દેશોએ આ અંગે સંયુક્ત નિવેદન જારી કર્યું છે.
વિદેશી દળોની મદદને કારણે તાલિબાન સભ્યો તેને નિશાન બનાવી શકે
અમેરિકા, બ્રિટન, ફ્રાન્સ સહિત તમામ દેશો અફઘાનિસ્તાનમાંથી તેમના નાગરિકોને બહાર કાઢવા માટે ખાસ ફ્લાઇટ્સ ચલાવી રહ્યા છે, ત્યારે ભારતે રવિવારના રોજ એર ઇન્ડિયાની ફ્લાઇટ દ્વારા કાબુલથી તેના તમામ નાગરિકોને પણ બહાર કાઢવામાં આવ્યા હતા ઘણા લોકોએ અમેરિકા અને અન્ય ગઠબંધન સૈન્ય દેશોને માનવતાના આધારે આશ્રય માટે અપીલ કરી છે. તેને ડર છે કે, જો તે અફઘાનિસ્તાનમાં રહેશે. તો વિદેશી દળોની મદદને કારણે તાલિબાન સભ્યો તેને નિશાન બનાવી શકે છે.
