અફઘાનિસ્તાનમાં તાલિબાનની નવી સરકારને માન્યતા આપવામાં અમેરિકાને કોઈ જલ્દી નથી

અમેરિકા સહિત સમગ્ર વિશ્વની નજર તાલિબાન પર છે. ત્યારે અમેરિકાના વ્હાઈટ હાઉસનાં પ્રેસ સચિવ જેન સાકીએ કહ્યું હતું કે, તાલિબાન સરકારને માન્યતા આપવા અમેરિકાને કોઈ જલ્દી નથી. આ તેના પર નિર્ભર કરશે કે, તાલિબાન આગળ કેવા પગલા ઉઠાવે છે.

• અમેરિકા સહિત સમગ્ર વિશ્વની નજર તાલિબાન પર છે
• અમેરિકાના વ્હાઈટ હાઉસનાં પ્રેસ સચિવ જેન સાકીએ આપ્યું નિવેદન
• તાલિબાન સરકારને માન્યતા આપવા અમેરિકાને કોઈ જલ્દી નથીઃ અમેરિકા

ન્યૂઝ ડેસ્કઃ સમગ્ર અફઘાનિસ્તાન પર કબજો કરીને હવે તાલિબાને અહીં સરકાર પણ બનાવી લીધી છે. ત્યારે અમેરિકાને અફઘાનિસ્તાનમાં તાલિબાનની નવી ઈસ્લામી સરકારને માન્યતા આપવામાં કોઈ જલ્દી નથી. તે તાલિબાન સરકારના કામકાજ પર આધારે નિર્ણય કરશે. એક રિપોર્ટ અનુસાર, વ્હાઈટ હાઉસનાં પ્રેસ સચિવ જેન સાકી (Press Secretaru Jen Psaki)એ સંવાદદાતા સંમેલનમાં કહ્યું હતું કે, તાલિબાન સરકારને માન્યતા આપવામાં અમને કોઈ જલ્દી નથી. આ તો તેના પર નિર્ભર કરશે કે, તાલિબાન આગળ શું પગલું લેશે. સાકીએ કહ્યું હતું કે, માન્યતા આપવાની સમય મર્યાદા પર તે કંઈ ન કહી શકે. આ વાત પર નિર્ભર કરશે કે, તાલિબાનની જમીન પર વર્તન કેવું હોય છે.

આ પણ વાંચો- રશિયન NSA નિકોલે પેત્રુશેવ NSA અજિત ડોભાલ સાથે કરી મુલાકાત, અફઘાનિસ્તાનની સ્થિતિ અંગે કરાશે ચર્ચા

અફઘાનિસ્તાનમાં તાલિબાને મંગળવારે સરકાર બનાવી

આપને જણાવી દઈએ કે, મંગળવારે અફઘાનિસ્તાનમાં તાલિબાને સરકાર બનાવી લીધી છે. તાલિબાનનો સંસ્થાપક મુલ્લા ઉમરના નજીકનો મુલ્લા હસન અખુંદને અફઘાનિસ્તાનનો કાર્યકારી વડાપ્રધાન બનાવાયો છે. જ્યારે તાલિબાનના રાજકીય કાર્યાલયના પ્રમુખ મુલ્લા અબ્દુલ ગની બરાદર અને અબ્દુલ સલામ હનફીને નાયબ વડાપ્રધાન બનાવાયો છે.

આ પણ વાંચો- અફઘાનિસ્તાનના કુખ્યાત નવા ગૃહપ્રધાન હક્કાની પર 50 લાખ અમેરિકી ડોલરનું ઈનામ

અફઘાનિસ્તાનનો વડાપ્રધાન તાલિબાનના સંસ્થાપકોમાંથી એક છે

મુલ્લા હસન અખુંદ (Mullah Mohammad Hasan Akhund) કંધારનો છે અને તે તાલિબાનના સંસ્થાપકોમાંથી એક છે. તેણે રહબરી શૂરાના પ્રમુખ તરીકે 20 વર્ષ કામ કર્યું છે અને તેને તાલિબાનના પ્રમુખ મુલ્લા હિબાતુલ્લા અખુંદજાદાનો નજીકનો માનવામાં આવે છે.