પાકિસ્તાનમાં હજુ પણ પોલિયો હોવું શરમજનક બાબત: PM ઇમરાન ખાન

ઇસ્લામાબાદ: પાકિસ્તાન હજુ પણ પોલિયો ગ્રસ્ત હોવાથી ચિંતા ઇમરાન ખાને વ્યક્ત કરી હતી. તેમણે કહ્યું કે, પોલિયો હજુ પણ પાકિસ્તાનમાં જોવા મળે છે, જે શરમજનક છે.

પાકિસ્તાનના વડાપ્રધાન ઇમરાન ખાને કહ્યું કે, આ શરમજનક વાત છે કે, આપણો દેશ એવા બે દેશોમાંનો એક છે જ્યાં હજુ પણ પોલિયો જોવા મળે છે.

ઈસ્લામાબાદમાં દેશવ્યાપી 'પોલિયો નાબૂદી અભિયાન'ના ઉદ્ઘાટન સમારોહને સંબોધન કરતાં ખાને પરિવારને આગળ આવવા અને તેમના બાળકોને પોલિયોની રસી અપાવવા અપીલ કરી હતી.

વર્લ્ડ હેલ્થ ઓર્ગેનાઇઝેશનના જણાવ્યા મુજબ પાકિસ્તાન, અફઘાનિસ્તાન અને નાઇઝર જ એવા દેશ છે, જે હજુ સુધી પોલિયો પર નિયંત્રણ કરી શક્યા નથી.