​​​​​​​કાબુલમાં મહિલા પત્રકારની ગોળી મારીને કરાઇ હત્યા

કાબુલઃ અફગાનિસ્તાનના કાબુલમાં અજાણ્યા હુમલાવરોએ એક મહિલા પત્રકારની ગોળી મારીને હત્યા કરી દીધી છે. મૃતક પત્રકારનું નામ મીના મંગલ જાણવા મળ્યું છે. જે પત્રકારની સાથે-સાથે સંસદના સાંસ્કૃતિક સલાહકાર પણ હતા.

ત્રણ સ્થાનિક ચેનલમાં ન્યુઝ એન્કર તરીકે કામ કરી ચૂકેલા મીના પર અજાણ્યા બંદૂકધારીઓએ હુમલો કર્યો હતો.

સ્થાનિક મીડિયાના જણાવ્યા મુજબ, હત્યાની આ ઘટના બાદ પોલીસે તપાસ શરૂ કરી છે. અફગાનિસ્તાનમાં વર્ષની શરૂઆતમાં જ સતત બોમ્બના હુમલાઓમાં 15 પત્રકારોના મોત થયા છે. જેમાંથી 9 ઘટનાસ્થળે જ મૃત્યુ પામ્યા હતા.