કાબુલ: અફઘાનિસ્તાનની રાજધાની કાબુલના પશ્ચિમ વિસ્તારમાં આતંકવાદીઓએ પ્રસૂતિ હોસ્પિટલમાં હુમલો કર્યો હતો. જેમાં બે નવજાત બાળકો સહિત 14 લોકોનાં મોત થયા હતા.
આંતરિક બાબતોના મંત્રાલયે જાહેર કરેલી તસવીર મુજબ, અફઘાન સુરક્ષા દળોએ ઘણા બાળકો અને તેમની માતાને હોસ્પિટલમાંથી બચાવી લીધા છે.
ઇસ્લામિક રાજ્યના વસાહિત નાનાગરહર પ્રાંતમાં એક અંતિમ સંસ્કાર સમયે એક આત્મઘાતી બોમ્બ ધડાકો કરીને ઓછામાં ઓછા 21 લોકોની હત્યા કરાઈ હતી. જેમાં 55 અન્ય લોકો ઘાયલ થયા હતા. પૂર્વીક ભોસ્તાન પ્રાંતમાં બીજી એક ઘટના માર્કેટમાં થઈ હતી.જેમાં એક બાળકનું મોત થયું હતું જ્યારે દસ અન્ય ઘાયલ થયા હતા.
કાબુલના હુમલા બાદ હોસ્પિટલમાં કાળા ધૂમાડાના વાદળ જોવા મળ્યા હતા. મંત્રાલયના પ્રવક્તા તારિક એરિને કહ્યું હતું કે, 100 માતા અને બાળકોને મકાનમાંથી બહાર કાઢવામાં આવ્યા છે અને ઉમેર્યું હતું કે, આ હુમલામાં 15 અન્ય ઘાયલ થયા છે. જેમાં મહિલાઓ, પુરુષો અને બાળકો પણ હતા. ત્રણ વિદેશી નાગરિકોને પણ બહાર કાઢવામાં આવ્યા હતા.
પ્રવક્તાએ વિદેશી નાગરિકો વિશે કોઈ માહિતી આપી નથી. કાબુલમાં થયેલા આ હુમલાની હજુ સુધી કોઈએ જવાબદારી લીધી નથી, જ્યાં આઇએસ અને તાલિબાન આતંકવાદી સંગઠનો અફઘાન સૈન્ય અને સુરક્ષાદળોને નિશાન બનાવવાનું ચાલુ રાખે છે.
