હૈદરાબાદ: બોલિવૂડની 'બેબી ડોલ' સન્ની લિઓને (actress sunny leone) પોતાના દમ પર ફિલ્મ ઈન્ડસ્ટ્રીમાં નામ કમાવ્યું છે. આજે તે કોઈ ઓળખ પર નિર્ભર નથી. જો કે, સનીનો ભૂતકાળ અંધકારમય દુનિયાથી ભરેલો હતો. પરંતુ સનીમાં કંઈક કરવાની ભાવના હતી. આજે સન્ની બોલિવૂડથી લઈને સાઉથ સિનેમા સુધી સનસનાટીભરી છે. આ દિવસોમાં સની તેમની તમિલ ફિલ્મ 'ઓ માય ઘોસ્ટ'નું પ્રમોશન કરી રહી છે. આ દરમિયાન એક ઈન્ટરવ્યુમાં સનીએ તેમના જીવન સાથે જોડાયેલી સનસનાટીનો ખુલાસો કર્યો છે. સન્નીએ કહ્યું છે કે, 'તેને નાની ઉંમરમાં ન માત્ર ટ્રોલ થવું પડ્યું હતું, પરંતુ જાનથી મારી નાખવાની ધમકીઓ પણ મળી (Sunny Leone death threats) હતી.'
આ પણ વાંચો: કાર્તિક આર્યનએ સ્વાદિષ્ટ ગુજરાતી થાળી સાથે આપ્યો પોઝ, કહ્યું: બસ
ભારતમાંથી હેટ મેઈલ આવતા હતા: મીડિયા રિપોર્ટ્સ અનુસાર સન્ની લિઓનને જણાવ્યું છે કે, 'કરિયરના શરૂઆતના તબક્કામાં જ્યારે તેમણે બોલિવૂડ તરફ આગળ વધવાનું મન બનાવ્યું અને જ્યારે તેમને બિગ બોસ તરફથી ઓફર મળી તો તેમને ધમકીભર્યા મેલ મળવા લાગ્યા હતા.' સનીએ ખુલાસો કર્યો છે કે, 'તેને ભારતમાંથી નફરતના મેલ આવ્યા હતા. જેના કારણે તેમણે પ્રોજેક્ટનો ઇનકાર કર્યો હતો.' જો કે, સન્ની ઘણી સમજણ સાથે ભારત આવી હતી અને બિગ બોસનો ભાગ પણ બની હતી.
જાનથી મારી નાખવાની ધમકી: સનીએ ઇન્ટરવ્યુમાં વધુ ખુલાસો કર્યો અને કહ્યું કે, 'આ બધું મારા એડલ્ટ ફિલ્મ ઇન્ડસ્ટ્રીના ટેગથી શરૂ થયું હતું. લોકો મને પસંદ નહોતા કરતા અને ભારતીયો ઈચ્છતા ન હતા કે, હું ભારત આવું. તેઓ મને મારી નાખવાની ધમકી આપતા હતા.'
આ પણ વાંચો: Year Ender 2022: બોલિવૂડના સેલેબ્સ આ વર્ષે બન્યા નવા પેરેન્ટ્સ
નાની ઉંમરે ટ્રોલ થયા: સનીએ જણાવ્યું કે, 'તે માત્ર 19 થી 20 વર્ષની હતી જ્યારે તેને હેટ લેટર મળતા હતા.' સનીએ કહ્યું, 'હું નાની ઉંમરમાં ટ્રોલ થવા લાગી હતી અને જ્યારે આ ઉંમરે આવું થાય છે ત્યારે તેને હેન્ડલ કરવું મુશ્કેલ છે, તે સમયે હું એકલી હતી.'
સન્ની લિઓનની કારકિર્દી: જો આપણે સન્ની લિઓનીના વર્કફ્રન્ટ પર નજર કરીએ તો ભારતમાં સનીનો સિક્કો સલમાન ખાનના શો બિગ બોસથી ચાલ્યો હતો. વર્ષ 2011માં સન્ની બિગ બોસની 5મી સીઝનમાં જોવા મળી હતી. આ પછી તેણે ફિલ્મ 'જિસ્મ 2' (વર્ષ 2012)થી બોલિવૂડમાં ધમાલ મચાવી હતી. આ ફિલ્મમાં સન્નીએ શાહરૂખ ખાન સાથે આઈટમ સોંગ પણ કર્યું છે.
