ન્યૂઝ ડેસ્કઃ બોલિવૂડ હિન્દી સિનેમાએ માઈલસ્ટોક કહી શકાય એવી ફિલ્મો આપી છે. ફિલ્મ 'શૉલે' બાદ સૌથી વધારે 90ના દાયકામાં જેની ચર્ચા થયેલી એ ફિલ્મ એટલે ફિલ્મ 'દિલવાલે દુલ્હનિયા લે જાયેંગે'. વર્ષો સુધી આ ફિલ્મના લોકેશન ચર્ચામાં રહ્યા. એટલું જ નહીં આ ફિલ્મ ગાયને (dilwale dulhania le jayenge story) પહેરાવવામાં આવેલી ઘંટી યુવાનોમાં કિ-ચેઈન રૂપે ખૂબ પ્રિય બની હતી. જ્યારે રાજના બેગના આશિક હજું પણ જોવા મળે છે. તો સિમરનનો ડ્રેસ આજે (dilwale dulhania le jayenge story Behind the scene) પણ ઘણી યુવતીઓ લગ્ન પ્રસંગે પહેલી પસંદ ધરાવે છે. આ અસર છે એ ફિલ્મની સમાજ પર
કિંગ ઓફ રોમાન્સઃ આ ફિલ્મ તારીખ 20 ઑક્ટોબર 1995માં રીલિઝ થઈ હતી. આ મહિનામાં આવતી 20મી તારીખે આ ફિલ્મ પોતાની 27મી એનિવર્સરી મનાવશે. 27 વર્ષ પહેલાનો રાજ આજે ખૂબ અલગ દેખાય છે. તો સિમરનના ઘરે પણ બે યંગ બેબીગર્લ એની બાજુમાં ઊભી રહી ગઈ છે. આટલા વર્ષોમાં ઓફ સ્ક્રિન ઘણી દુનિયા બદલી. જ્યારે પણ આ ફિલ્મ જોવામાં આવે છે ત્યારે આલ્પની પર્વતમાળા અંગે અચૂક એવી ચર્ચા થાય છે. હકીકત એવી પણ છે કે, જ્યારે ફિલ્મ બનાવવાનું નક્કી થયું ત્યારે શાહરૂખ ખાનને લેવાની કોઈ ગણતરી જ ન હતી. આદિત્યની ઈચ્છા ટોમ ક્રુઝને લેવાની હતી.
મહેંદી લગા કે રખનાઃ જ્યારે પણ આ ગીત વાગે ત્યારે સૌ કોઈ એની સાથે ગીત ગાવા લાગે છે. પણ જ્યારે આ ફિલ્મ ઓન ફ્લોર હતી ત્યારે આ ગીત લેવાનું જ ન હતું. યશરાજ આ ગીતને પોતાની બીજી એક ફિલ્મમાં લેવા માગતા હતા. પછી અંતે કંઈ ભેગું ન થયું એટલે આ ગીતને ખૂબ મોડે મોડેથી આ ફિલ્મમાં વચ્ચેથી એડિટીંગ ટેબલ પરથી એડ કરાયું છે. આ ફિલ્મમાં કોર્યોગ્રાફર તરીકે સરોજ ખાન નક્કી હતા. તેઓ સમગ્ર ફિલ્મનો પ્લોટ પણ જાણતા હતા. પણ ક્રિએટિવિટીમાં યશની વિચારધારા સમજવી અઘરી છે. જે સરોજખાનને મેચ ન થતા અંતે ફરાહ ખાનને ચાન્સ મળ્યો.
પંજાબી પરિવાર હરિયાણા ક્નેક્શનઃ આ ફિલ્મનું સૌથી લોકપ્રિય ગીત તુજે દેખા તો યે જાના સનમ.... શુટ કરવામાં ઘણી મુશ્કેલીઓ પડી રહી હતી. આ ગીતનું શુટિંગ હરિયાણાના કોઈ ગ્રામ્ય વિસ્તારમાં ખેતરની વચ્ચે થયું છે. જેનું ખેતર હતું એ શુટિંગ માટે રાજી ન હતા. પછી કિંગ ખાને મામલો હાથમાં લીધો અને પછી બધુ થાળે પડતા ગીતનું શુટિંગ થયું. ગીત 'રૂક જા ઓ દિલ દિવાને' ગીતમાં કિંગખાન કાજોલને તેડી લે છે પછી એક જ સેકન્ડમાં એને મૂકી દે છે. આ વાત શુટિંગ વખતે કાજોલને ખબર જ ન હતી. કાજોલ કિંગ ખાનના હાથમાંથી પડ્યા બાદ જે રીએક્શન આવ્યા એ આબેહુબ ફિલ્મમાં મૂકી દેવાયા એક પણ એડિટીંગ વગર. વાહ..શું એક્ટિંગની ટ્રિક હતી. પછી કિંગ ખાને કાજોલને પર્સનલી સોરી કહેલું. કારણ કે આવું કરવાનું કોર્યોગ્રાફરે કહેલું.
આવ...આવ... આ સિન તો દરેકને યાદ હશે. જ્યારે અમરીશ પૂરી સવારે કબુતરને દાણા ખવડાવે છે. પણ આ સીન લેવાનો કોઈ ઈરાદો ન હતો. અમરીશ પુરી જ્યારે આ કબુતરને જોઈને દાણા આપવા લાગ્યા અને કહેવા લાગ્યા કે આવ..આવ... એ સમયે કેમેરો ઓન રોલ થઈ ગયો હતો. કિંગ ખાન અને અમરીશ પુરીની નેચરલ એક્ટિંગ કેમેરામાં રેકોર્ડ થયેલી છે. પછી આ સીનને ફિલ્મમાં સ્ક્રિપ્ટ કરાયો.
મસ્ટ વિઝિટ ઝ્યુરિચઃ આ ફિલ્મમાં આખુ સ્વિત્ઝરલેન્ડ તો નથી બતાવ્યું પણ એના કેટલાક ગ્રામ્ય વિસ્તારો બતાવાયા છે. જે આપણને એક મેગા સિટી જેવા લાગે છે. ખાસ કરીને જ્યારે રાજ ગીત ગાય છે કે, 'હો ગયા હૈ તુજકો તો પ્યાર' આ રાજ અને સિમરનની મસ્ત કાર રાઈડ હતી. જેનું શુટિંગ ઝ્યુરિચમાં થયું છે. પણ સતત સ્નોફોલ અને અતિશય ઠંડીને કારણે ત્યાં પહોંચ્યા પછી પણ શુટિંગ લેટ થયું હતું. અંતે ગીતનું શુટિંગ પહેલા કરવાનું વિચાર્યું.
ઉદય ચોપરાનું જેકેટઃ 'ઝરા સા ઝુમ લું મેં' આ ગીતમાં કિંગ ખાન જે જેકેટ પહેરે છે. એની કિંમત એ સમયે આ જેકેટની કિંમત 400 ડૉલર હતી. જે ચોપરા સાહેબે ઉદય ચોપરા માટે લીધું હતું. એ પણ કોઈ રોડ સાઈડ સ્ટોરમાંથી નહીં. પણ હાર્ડલી ડેવિસન સ્ટોરમાંથી. એ પછી કિંગ ખાને પોતાના શુટિંગમાં પહેર્યું અને યુવાનોમાં આજે પણ આ જેકેટનો ટ્રેન્ડ છે.
વાંધા સામે વખાણઃ 'મેરે ખ્વાબો મેં જો આયે' આ ગીતથી કાજોલની ઓન સ્ક્રિન એન્ટ્રી થાય છે. પણ જ્યારે આ ગીતના સીન અંગે કાજોલને કહેવાયું હતું કે, એક સાદા ટુવાલ સાથે અને બાથ લીધા પછીના નેચરલ સ્કીન ટોન સાથે શુટિંગ કરવાનું છે તો પહેલા તો માત્ર ટોવેલના સીન માટે કાજોલે ના પાડી દીધી. એને આવું કરવામાં વાંધો પડ્યો. પછી એક સેફ્ટી અને સિક્યોર વાતાવરણ સાથે આ ગીત શુટ થયું જે સૌથી વધારે હીટ થયું અને કાજોલના વખાણ પણ થયા.
સ્ક્રિટ પહેલા લોકેશન રેડીઃ આ ફિલ્મની સ્ક્રિપ્ટ આદિત્ય ચોપરાએ પૂરી કરેલી. પણ સ્ક્રિપ્ટ પહેલા ફિલ્મના લોકેશન તૈયાર હતા કે, ક્યાં કયો સિન શુટ કરવો છે. માત્ર એક મહિનામાં આખી સ્ક્રિપ્ટ પૂરી થઈ ગઈ અને શુટિંગ શરૂ થઈ ગયું.
કોણે આપ્યું ટાઈટલઃ બધુ નક્કી થઈ ગયા પછી વાત આવી ફિલ્મનું નામ શું રાખવું. આ ફિલ્મનું નામ આપ્યું અનુપમ ખેરના પત્ની કિરણ ખેરે. 'દિલવાલે દુલ્હનિયા લે જાયેંગે'. થોડા સમય માટે તો બધા એ વિચાર્યું કે, નામ ખૂબ લાંબુ છે. શાહરૂખ પણ આ નામ માટે સહમત ન હતો. પણ આદિત્ય ચોપરાને આ વાત ગમી. ફિલ્મમાં ન હોવા છતા આદિત્યએ ફિલ્મના ટાઈટલ્સમાં જ કિરણ ખેરને આ ટાઈટલ્સની ક્રેડિટ આપી દીધી. આ વાત અનુપમ ખેરે પણ પોતાના ઈન્ટરવ્યૂમાં કહી છે. ફિલ્મ ચોર મચાયે શોર (1974)ના ગીત પરથી આ ફિલ્મનું નામ આવ્યું 'દિલવાલે દુલ્હનિયા લે જાયેંગે.'
અમરીશ પુરીઃ જા...સિમરન જા...જી લે અપની ઝીંદગી... અમરીશ પુરી આમ તો નેગેટિવ રોલ માટે જાણીતા છે પણ આ ફિલ્મમાં એક પિતા તરીકે એનો રોલ ધી બેસ્ટ કહી શકાય એવો છે. આ ઉપરાંત કિંગ ખાને આ ફિલ્મને લઈને કોન્સર્ટ કરેલા છે. જેમાં આ ફિલ્મના ગીત સૌથી વધારે વખત વાગતા અને કિંગખાન પર તાળીઓ પડતી.
