હૈદરાબાદ: પ્રેમ વિશે એક સામાન્ય કહેવત છે કે, 'પ્રેમ આંધળો હોય છે'. કેટલીકવાર આ આંધળો પ્રેમ આપણને એટલી હદે હાવી કરી દે છે કે, આપણે પાર્ટનરની ઉંમરના તફાવતની પણ પરવા કરતા નથી. બોલિવૂડ ઈન્ડસ્ટ્રીમાં પણ આવું જ થાય છે અને આપણે બોલિવૂડમાં ઘણા એવા કપલ્સ જોયા છે જેમની ઉંમરમાં લાંબો અંતર છે. અહીં અમે સંપૂર્ણ યાદી તૈયાર કરી છે.
દિલીપ કુમાર અને સાયરા બાનુ: ભારતીય સિનેમાના અત્યાર સુધીના સૌથી મહાન સ્ટાર્સમાંના એક, દિલીપ કુમાર અને સાયરા બાનુએ 55 વર્ષ સાથે વિતાવ્યા હતા અને પીઢ અભિનેતા દિલીપ કુમારે તારીખ 7મી જુલાઈ 2021ના રોજ અંતિમ શ્વાસ લીધા ત્યાં સુધી તેમનો પ્રેમ વધતો ગયો. આ બંને નવી પેઢી માટે એક મહાન પ્રેરણા છે. સાયરા બાનુએ છેલ્લા દિવસો સુધી બીમાર અભિનેતાની સંભાળ લીધી અને સોશિયલ મીડિયા પ્લેટફોર્મ પર ચાહકોને અપડેટ પણ કર્યા. હિન્દી સિનેમાના ટ્રેજેડી કિંગ દિલીપ કુમારે વર્ષ 1966માં સુંદર અભિનેત્રી સાયરા બાનુ સાથે લગ્ન કર્યા, જ્યારે તેઓ 44 વર્ષના હતા અને અભિનેત્રી માત્ર 22 વર્ષની હતી. દિલીપ કુમાર અને સાયરા બાનુની ઉંમરમાં 22 વર્ષનું અંતર હતું.
ધર્મેન્દ્ર અને હેમા માલિની: પીઢ અભિનેતા ધર્મેન્દ્ર પ્રકાશ કૌર સાથે લગ્ન કરી ચૂક્યા હતા. જ્યારે તેઓ 'તુમ હસીન મેં જવાન'ના સેટ પર તેમની સહ-અભિનેત્રી હેમા માલિની સાથે પ્રેમમાં પડ્યા હતા. વર્ષ 1979માં ધર્મેન્દ્રએ હેમા માલિની સાથે 13 વર્ષના અંતરે લગ્ન કર્યા હતા. પહેલી પત્ની પ્રકાશ કૌર પછી બીજી પત્ની સાથે લગ્ન કર્યા હતા. ધર્મેન્દ્રને હેમા માલિની સાથે બે દીકરીઓ એશા દેઓલ, આહાના દેઓલ છે.
કબીર બેદી અને પરવીન દુસાંઝઃ દિગ્ગજ અભિનેતા કબીર બેદીએ 69 વર્ષની ઉંમરે ત્રણ વાર લગ્ન કર્યા હતા. જ્યારે તેણે પરવીન દુસાંઝ સાથે લગ્ન કર્યા ત્યારે બધા ચોંકી ગયા હતા. જ્યારે તેણે તેની સાથે લગ્ન કર્યા ત્યારે તે 40 વર્ષના હતા. તેમની ઉંમરનો તફાવત 29 વર્ષ છે. કબીર બેદીએ પહેલા પ્રોતિમા ગૌરી સાથે લગ્ન કર્યા હતા, જેનું અવસાન થયું હતું.
સંજય દત્ત અને માન્યતાઃ સુપરસ્ટાર સંજય દત્ત અને માન્યતાની ઉંમરમાં 19 વર્ષનું અંતર છે, આ કપલે વર્ષ 2008માં લગ્ન કર્યા હતા. સુપરસ્ટારની પહેલી પત્ની અભિનેત્રી રિચા શર્માનું વર્ષ 1996માં બ્રેઈન ટ્યુમરના કારણે અવસાન થયું હતું. તેઓએ વર્ષ 1987માં લગ્ન કર્યા હતા. સંજુએ મોડલ રિયા પિલ્લઈ સાથે લગ્ન કર્યા હતા. વર્ષ 1998 અને 2005માં છૂટાછેડા લીધા. સંજય દત્તને 3 બાળકો છે, જેમાં તેની પહેલી પત્નીથી ત્રિશાલા અને માન્યતા દત્તથી જોડિયા અકરા અને શાહરાનનો સમાવેશ થાય છે. માન્યતા કેટલીક ફિલ્મોમાં આઈટમ ગર્લ તરીકે જોવા મળી છે.
શાહિદ કપૂર અને મીરા રાજપૂત: સફળ અભિનેતા શાહિદ કપૂરે તારીખ 7 જુલાઈ 2015ના રોજ દિલ્હીની છોકરી મીરા રાજપૂત સાથે લગ્ન કર્યા, જ્યારે મીરા માત્ર 21 વર્ષની હતી જ્યારે શાહિદ કપૂર 34 વર્ષના હતા. આ કપલની ઉંમરમાં 13 વર્ષનો તફાવત છે. ઘણા અફેર પછી, શાહિદ કપૂરે દિલ્હીની એક છોકરી સાથે તેના લગ્નની ઉજવણી કરી અને હવે તેમને એક પુત્રી મીશા અને એક પુત્ર ઝેન કપૂર છે. કરીના કપૂર અને શાહિદનું અફેર બોલિવુડના સૌથી ફેમસ અફેર્સમાંનું એક છે. સૈફ અલી ખાને કરીના કપૂરનું દિલ ચોર્યું અને તે પણ આ લિસ્ટમાં છે.
સૈફ અલી ખાન અને કરીના કપૂર ખાનઃ સૈફ અલી ખાન અને કરીના કપૂર ખાને તારીખ 16 ઑક્ટોબર 2012ના રોજ 12 વર્ષની ઉંમરના અંતર સાથે લગ્ન કર્યા હતા. તેઓ બે પુત્રો તૈમુર અલી ખાન અને જેહના માતા-પિતા છે. સૈફ અલી ખાનને તેની પહેલી પત્નીથી બે બાળકો સારા અલી ખાન અને ઈબ્રાહીમ અલી ખાન છે.
મિલિંદ સોમન અને અંકિતા કોંવર: મિલિંદ સોમન અને અંકિતા કોંવરના લગ્ન તારીખ 22 એપ્રિલ 2018ના રોજ 25 વર્ષના અંતર સાથે થયા હતા. તેણે સૌપ્રથમ વર્ષ 2006માં ફ્રેંચ અભિનેત્રી માઈલેન જમ્પાનોઈ સાથે લગ્ન કર્યા હતા. પરંતુ બાદમાં વર્ષ 2009માં છૂટાછેડા લીધા હતા. મિલિંદ સોમન અને અંકિતા કોંવરના પ્રેમ લગ્ન વિશે એક રસપ્રદ તથ્ય એ છે કે, મિલિંદ સોમન તેની સાસુ કરતા મોટા છે. અભિનેતા ફિટનેસ આઇકોન પણ છે, તેની દોડ અને સ્વિમિંગ પ્રતિભાએ તેને રમતવીર બનાવ્યો.
અભિષેક બચ્ચન અને ઐશ્વર્યા રાય બચ્ચનઃ પૂર્વ મિસ વર્લ્ડ ઐશ્વર્યા રાયે વર્ષ 2002માં સલમાન ખાન સાથે બ્રેકઅપ કર્યું અને પછી વિવેક ઓબેરોયને ડેટ કરવાનું શરૂ કર્યું. વર્ષ 2006માં 'ધૂમ 2' ના શૂટિંગ દરમિયાન અભિષેક બચ્ચન તેના પ્રેમમાં પડ્યો અને તેણે ઐશ્વર્યાને પ્રપોઝ કર્યું હતું. તેઓએ વર્ષ 2007માં લગ્ન કર્યા. જ્યારે એશ 33 વર્ષની હતી અને અભિષેક 31 વર્ષના હતા. આ કપલની ઉંમરમાં 2 વર્ષનો તફાવત છે. તેમને એક પુત્રી આરાધ્યા બચ્ચન છે.
પ્રિયંકા ચોપરા અને નિક જોનાસ: તારીખ 1 ડિસેમ્બર 2018 ના રોજ બોલિવૂડ સુપરસ્ટાર પ્રિયંકા ચોપરાએ અમેરિકન ગાયક અને મોડલ નિક જોન્સ સાથે લગ્ન કર્યા હતા. જે તેમના લગ્નના વર્ષમાં માત્ર 25 વર્ષનો હતો. આ કપલની ઉંમરમાં 10 વર્ષનો તફાવત છે. ભૂતપૂર્વ મિસ વર્લ્ડ પ્રિયંકા ચોપરા જોન્સે સૌપ્રથમ બોલિવુડમાં મોટું સ્થાન મેળવ્યું હતું અને હવે તે કેટલીક હોલીવુડ ફિલ્મો અને કેટલીક અંગ્રેજી સિંગલ્સ સાથે વૈશ્વિક સ્ટાર છે. તે ભારતીય સિનેમાની સૌથી લોકપ્રિય અને સફળ મહિલા સ્ટાર્સમાંની એક છે.
