હૈદરાબાદ: બોલિવુડની સુંદર અભિનેત્રી અનુષ્કા શર્મા અને વિરાટ કોહલી હંમેશા ચર્ચામાં રહે છે. અનુષ્કા શર્મા પોતાની લેટેસ્ટ તસવીર અને વીડિયો સોશિયલ મીડિયા પર ચાહકો સાથે શેર કરતી રહે છે. ક્રિકેટર વિરાટ કોહલી અને અનુષ્કા શર્મા હાલમાં તેઓ લંડનમાં વેકેશન માણી રહ્યાં છે. શનિવારે રાત્રે અનુષ્કાએ તેના સોશિયલ મીડિયા એકાઉન્ટ પર તેના ક્રિકેટર પતિ સાથે એક સેલ્ફી શેર કરી છે. આ સેલ્ફી શેર કરીને લખ્યું છે કે, "ફુલ એન્જેવે."
વિરાટ-અનુષ્કાનો લુક: સેલ્ફીમાં વિરાટ મરીના લુકને ફ્લોન્ટ કરતો જોવા મળ્યો હતો. તે ગ્રે શર્ટમાં સુંદર દેખાતો હતો, જેને તેણે સફેદ ટી-શર્ટ અને સ્ટેટમેન્ટ ચશ્માની જોડી સાથે જોડી હતી. બીજી તરફ અનુષ્કા સફેદ શર્ટમાં સુંદર લાગી રહી હતી. તેણે સામાન્ય મેક-અપ અને એસેસરીઝ ઉપરાંત ફ્રી હેરસ્ટાઇલ સાથે તેનો લુક પૂર્ણ કર્યો હતો. આ બંનેને તાજેતરમાં જ પ્રખ્યાત અમેરિકન ગાયક ક્રિષ્ના દાસના કીર્તનમાં જોવામાં આવ્યા હતા. જેઓ તેમના લોકપ્રિય હિંદુ ભક્તિ ગીતો માટે જાણીતા છે.
વિરાટ-અનુષ્કાની જોડી: ભક્તિમય પ્રસંગની કેટલીક તસવીરો અને વીડિયો વાયરલ થયા છે જેમાં અનુષ્કા તેમની સીટ તરફ જતી જોવા મળે છે. વિરાટ અને અનુષ્કા તારીખ 11 ડિસેમ્બરના રોજ ઇટાલીમાં લગ્નના બંધનમાં બંધાયા હતા અને તેઓ સૌથી પ્રિય સેલિબ્રિટી કપલ્સમાંથી એક છે. વિરાટ ભારતીય ટીમનો એક ભાગ હતો જેણે ઓવલ, લંડન ખાતે ઓસ્ટ્રેલિયા સામે ICC વર્લ્ડ ટેસ્ટ ચેમ્પિયનશિપની ફાઈનલ રમી હતી.
વિરાક કોહલીનો વર્કફ્રન્ટ: ICC વર્લ્ડ ટેસ્ટ ચેમ્પિયનશિપની ફાઈનલમાં વિરાટ કોહલીએ 14 અને 49 રન બનાવ્યા. ભારતે 209 રનની હાર નોંધાવી, જે ટુર્નામેન્ટની ફાઇનલમાં તેમની સતત બીજી હાર છે. ભારત આગામી 12 જુલાઈથી વેસ્ટ ઈન્ડિઝ સાથે તમામ ફોર્મેટની શ્રેણીમાં રમશે. આ સિરીઝમાં બે ટેસ્ટ, ત્રણ વનડે અને 5 ટી-20 મેચોનો સમાવેશ થાય છે. વિરાટ આ સિરીઝ દરમિયાન ટેસ્ટ અને વનડેમાં એક્શનમાં જોવા મળી શકે છે.
અનુષ્કા શર્માનો વર્કફ્રન્ટ: બીજી તરફ અનુષ્કા આગામી સ્પોર્ટ્સ બાયોપિક ફિલ્મ 'ચકડા એક્સપ્રેસ'માં જોવા મળશે, જે ભૂતપૂર્વ ભારતીય ક્રિકેટર ઝુલન ગોસ્વામીના જીવન પર આધારિત છે અને તે ફક્ત નેટફ્લિક્સ પર જ સ્ટ્રીમ કરશે. ફિલ્મની અંતિમ રિલીઝ તારીખની હજુ રાહ જોવામાં આવી રહી છે. અનુષ્કા શર્મા બોલિુડની સુંદર અભિનેત્રઓમાથી એક છે. તેમણે પોતાના શાનદાર અભિનયના કારણે ચાહકોના દિલમાં જગા બનાવી છે.
