મુંબઈ: બોલિવૂડ અભિનેત્રી આલિયા ભટ્ટ સ્ટારર ફિલ્મ 'ગંગુબાઈ કાઠિયાવાડી'એ 68મા હ્યુન્ડાઈ ફિલ્મફેર એવોર્ડ્સ 2023માં મોટો વિજય મેળવ્યો છે. જ્યારે આલિયા ભટ્ટને શોમાં બેસ્ટ એક્ટર ઇન લીડિંગ રોલ એવોર્ડથી સન્માનિત કરવામાં આવ્યા હતા. ત્યારે તેની ફિલ્મ 'ગંગુબાઈ કાઠિયાવાડી'ને શ્રેષ્ઠ ફિલ્મનો ખિતાબ મળ્યો હતો. આ દરમિયાન આલિયા ભટ્ટ સ્ટ્રેપલેસ બ્લેક ગાઉનમાં જોવા મળી હતી.
અભિનેત્રીનો શાનદાર લુક: આલિયા ભટ્ટે ગુરુવારે મોડી રાત્રે તેની ઇન્સ્ટાગ્રામ સ્ટોરી પર તેની તાજેતરની તસવીર શેર કરી છે. જેમાં તે સ્ટ્રેપલેસ બ્લેક ગાઉનમાં જોવા મળી રહી છે. આ એ જ પોશાક છે જે તેણે 68મા હ્યુન્ડાઈ ફિલ્મફેર એવોર્ડ્સ 2023ની ભવ્ય સાંજ માટે પસંદ કર્યો હતો. આલિયા બ્લેક ગાઉનમાં અદભૂત દેખાતી હતી. તેણીને સ્ટાઈલિશ-નિર્માતા રિયા કપૂર દ્વારા સ્ટાઈલ કરવામાં આવી હતી. અભિનેત્રીએ તેના વાળ પાછળના ભાગે બાંધ્યા છે.
યુઝર્સની કોમેન્ટ: રિયા કપૂરે તેના ઇન્સ્ટાગ્રામ એકાઉન્ટ પર આલિયાના લૂકની તસવીર પણ શેર કરી છે. તેમણે કેપ્શનમાં લખ્યું છે કે, 'આલિયા ભટ્ટ મને આજની રાતના ફિલ્મફેર માટે ઇન્સ્ટન્ટ ક્લાસિક મૂવી સ્ટાર મોમેન્ટ્સ આપી રહી છે.' રિયાની આ પોસ્ટ પર ઘણી કોમેન્ટ્સ આવી છે. આલિયાના એક ફેને લખ્યું છે કે, 'બ્લેક લેડી ફોર બ્લેક લેડી.' અન્ય એક પ્રશંસકે કોમેન્ટ કરી છે, 'ઉફ્ફ તમે ખૂબ જ સુંદર લાગી રહ્યાં છો.' ચાહકોએ રિયાની આ પોસ્ટના કોમેન્ટ સેક્શનને રેડ હાર્ટ ઈમોજીથી ભરી દીધું છે.
આ પણ વાંચો: Chrisann Pereira: ક્રિસન પરેરા ડ્રગ્સ પ્લાન્ટ કેસમાં જેલમાંથી થયા મુક્ત, પરિવારને ફોન પર આપી પ્રતિક્રિયા
આલિયાને મળેલા પુરસ્કાર: ઘણા યુઝર્સ છે, જેઓ આલિયાના આઉટફિટને દીપિકા પાદુકોણના આઉટફિટની નકલ કહી રહ્યા છે. એક યુઝરે લખ્યું છે કે, 'દીપિકાનો લુક કોપી કરવામાં આવ્યો છે.' જ્યારે બીજાએ લખ્યું છે કે, 'આ લુક સંપૂર્ણપણે દીપિકાથી પ્રેરિત છે.' જ્યારે અન્ય એક યુઝરે ફની ઇમોજી સાથે લખ્યું, 'મને ખબર હતી કે તે દીપિકા જે પહેરશે તે પહેરશે'. આલિયાના સર્વશ્રેષ્ઠ અભિનેત્રા (સ્ત્રી) એવોર્ડ આપવામાં આવ્યો છે. આ ઉપરાંત ગંગુબાઈ કાઠિયાવાડીએ ઘણી શ્રેણીઓમાં જીત સાથે પુરસ્કાર જીત્યા છે. તેણે સંજય લીલા ભણસાલી માટે બેસ્ટ ડાયલોગ, બેસ્ટ બેકગ્રાઉન્ડ સ્કોર અને બેસ્ટ ડિરેક્ટર સહિત ઘણા એવોર્ડ જીત્યા છે.
