મુંબઈઃ ડેશિંગ એક્ટર અને ફિલ્મ ઈન્ડસ્ટ્રીના મિસ્ટર પરફેક્શનિસ્ટ આમિર ખાન સામાજિક પ્રવૃત્તિઓમાં પણ સક્રિય છે. અભિનેતાએ વૈજ્ઞાનિક પ્રોફેસર મુનિ મહેન્દ્ર કુમારને શ્રદ્ધાંજલિ આપી છે. જૈન તેરાપંથ આચાર્ય મહાશ્રમણજીના શિષ્ય પ્રોફેસર મુનિ મહેન્દ્ર કુમારનું તારીખ 6 એપ્રિલે મુંબઈમાં અવસાન થયું હતું. થોડા સમય પહેલા અભિનેતા આમિર ખાન મુનિ મહેન્દ્ર કુમારને મળ્યા હતા અને તેણે નિર્માતા મહાવીર જૈન અને વરિષ્ઠ IRS અશોક કોઠારી સાથે જૈન ફિલસૂફી, આધ્યાત્મિકતા અને વિજ્ઞાન વિશે ઊંડાણપૂર્વક વાતચીત કરી હતી.
આ પણ વાંચો: Salman Khan Death Threat: રાજસ્થાનમાંથી સલમાન ખાનને ખતમ કરવાની ધમકી આપતો આવ્યો ફોન
આધુનિક ભાષાઓના જાણકાર હતા: તેમણે ચર્ચા કરી હતી કે, વિજ્ઞાન અને આધ્યાત્મિકતાને એક કરવા માટે આજે સંવાદિતાની તાત્કાલિક જરૂર છે. વિજ્ઞાની પ્રોફેસર મુનિ મહેન્દ્ર કુમારને માનવ-કમ્પ્યુટર કહેવાયા. તેમણે ઘણી યુનિવર્સિટીઓ અને આંતરરાષ્ટ્રીય પરિષદોમાં અધ્યયન, યાદશક્તિ અને મૌખિક ગાણિતિક ગણતરીના દુર્લભ પ્રાચીન વિજ્ઞાનનું પ્રદર્શન કર્યું હતું. તેમનું પુસ્તક 'ધ એનિગ્મા ઓફ યુનિવર્સ' સ્વર્ગસ્થ ભૂતપૂર્વ રાષ્ટ્રપતિ ડૉ. એપીજે અબ્દુલ કલામ દ્વારા વિમોચન કરવામાં આવ્યું હતું. જાણીતા વૈજ્ઞાનિક અને પ્રોફેસર સ્ટીફન હોકિંગના માર્ગદર્શક રોજર પેનરોઝ ડૉ. મહેન્દ્ર કુમાર સાથે ઊંડી ચર્ચા કરતા હતા. તેઓ અંગ્રેજી, જર્મન અને સંસ્કૃત, પ્રાકૃત તેમજ પાલી અને અન્ય પ્રાચીન ભાષાઓ સહિતની આધુનિક ભાષાઓના જાણકાર હતા.
આ પણ વાંચો: KKBKKJ Trailer Launch: સલમાને કહ્યું, 'મૂવ ઓન કર જાઓ, જેના પર શેહનાઝે આપ્યો આ જવાબ
વિવિધ વિષયોના બહુમુખી વિદ્વાન હતા: આ સિવાય તેઓ ભૌતિકશાસ્ત્ર, જીવવિજ્ઞાન, પેરાસાયકોલોજી અને ધ્યાન જેવા વિવિધ વિષયોના બહુમુખી વિદ્વાન હતા. તેણે 18 ભાષાઓ શીખી હતી. મહાવીર જૈન અને અશોક કોઠારીએ શેર કર્યું હતું કે, આમિર ખાન પોતે વિવિધ દૃષ્ટિકોણનો આદર કરે. અહિંસા અને અપરિગ્રહ-અનિર્મિતતાનો ગુણ, જરૂરી હોય તે જ ઉપયોગ કરેે.
