લોકસભામાં કોંગ્રેસ નેતા બનવા તૈયાર છું: શશિ થરૂર

નવી દિલ્હી: કોંગ્રેસના વરિષ્ઠ નેતા શશિ થરુરે કહ્યું કે, જો પાર્ટી તેમને લોકસભામાં કોંગ્રેસ પાર્ટીના નેતા પદ પર જાહેર કરે છે તો તેઓ આ જવાબદારી નિભાવવા તૈયાર છું.

તિરૂવનંતપુરમથી સતત ત્રીજી વખત સાંસદ બની ચુકેલા શશિ થરૂરે સોમવારે કહ્યું કે, "જો પ્રસ્તાવ મુકવામાં આવે તો હું કોંગ્રેસના લોકસભાની નેતા બનવા માટે તૈયાર છું."

તેમણે સ્વીકાર કર્યો કે, કોંગ્રેસનું ચૂંટણી લડવા માટેનું મુખ્ય હથિયાર "ન્યાય યોજના" મતદાતાઓ સામે પ્રસ્તુત કરવામાં ક્યાંક ખોટ રહી ગઇ છે. સાથે જ તેમણે કોંગ્રેસ અધ્યક્ષ રાહુલ ગાંધી અને પ્રિયંકા ગાંધીની નરમ હિંદુત્વ નીતિની નિંદા પણ કરી હતી.

પૂર્વ કેન્દ્રીય પ્રધાને જણાવ્યું કે, "પક્ષ તેમની સહાયતા માટે પ્રાદેશિક કાર્યકારી અધ્યક્ષોની નિમણૂંક પર વિચારણા કરી શકે છે."

ઉલ્લેખનીય છે કે, 2014માં તેમણે ભાજપના ઓ.રાજગોપાલ વિરુદ્ધ માત્ર 15000 મતની અંદર જીત દાખલ કરાવી હતી.