ચેન્નઈ: પોલીસે ચેન્નઈની બાજુમાં આવેલા પેરુંગાલથુરમાં ગાંજા વેચતા યોગ શિક્ષકની ધરપકડ કરી (YOGA TEACHER ARRESTED FOR SELLING GANJA)છે. આ સંદર્ભમાં, પોલીસે જણાવ્યું હતું કે પેરુંગાલથુર બસ સ્ટેશન પર ડ્રગ હેરફેરની દેખરેખ દરમિયાન, તેઓએ એક શંકાસ્પદ વ્યક્તિને એક મોટી થેલી સાથે પકડી લીધો અને તેની પૂછપરછ કરી હતી.
બેગમાંથી 10 કિલો ગાંજા જપ્ત: આ દરમિયાન વ્યક્તિની બેગમાંથી 10 કિલો ગાંજા જપ્ત કરવામાં આવ્યો હતો. પોલીસના જણાવ્યા અનુસાર, ધરપકડ કરાયેલ વ્યક્તિ દિનેશ (29) છે, જે કેરળના તિરુવનંતપુરમનો રહેવાસી છે અને તે યોગ શિક્ષક છે. દિનેશે યોગમાં માસ્ટર ડિગ્રી પૂર્ણ કરી છે અને તે ચેન્નાઈના પાલવક્કમમાં રહે છે અને વેલાચેરી, નિલાંગરાઈ અને દુરાયપ્પકમના જીમમાં યોગ શીખવે છે.
આ પણ વાંચો: જગતનો તાત ખેતીના બદલે નશીલા પદાર્થની ખેતીમાં લાગ્યો, પોલીસે પકડ્યો જથ્થો
ગાંજો વેચતા યોગ શિક્ષકની ધરપકડ: દિનેશના મોટાભાગના તાલીમાર્થીઓ આઇટી ક્ષેત્રમાં કામ કરતા સોફ્ટવેર એન્જિનિયરો છે. દિનેશે પોલીસને જણાવ્યું કે તે સ્ટ્રેસ અને વજનની સમસ્યા સાથે તેની પાસે આવતા લોકોને ગાંજાના ધૂમ્રપાન કરીને તણાવ ઓછો કરવાની સલાહ આપતો (Tips to reduce stress by smoking ganja) હતો. જેના કારણે ગ્રાહકોને કોઈપણ જાતની અછત વગર ગાંજા મળી રહે તે માટે દિનેશે પોતે ગાંજાની દાણચોરીનું કામ હાથમાં લીધું છે. પોલીસે દિનેશ વિરુદ્ધ ગેરકાયદેસર ડ્રગ્સ રાખવાના આરોપસર ગુનો નોંધી તેને કોર્ટમાં રજૂ કરી જેલ હવાલે કર્યો હતો.
આ પણ વાંચો: ખેડામાં ગાંજાનું ગેરકાયદેસર વાવેતર ઝડપાયું, પોલીસે કરી કાર્યવાહી
