ભદોહી(ઉતર પ્રદેશ): ઉતર પ્રદેશના ભદોહી જિલ્લાના ઔરાઈ પોલીસ સ્ટેશન નજીક પોખરા નજીક સ્થિત દુર્ગા પંડાલમાં રવિવારે મોડી રાત્રે આરતી દરમિયાન શોર્ટ સર્કિટના કારણે પંડાલમાં આગ ફાટી નીકળી હતી. જેમાં 66 લોકો દાઝી ગયા હતા. તે જ સમયે, જિલ્લા અધિકારી ગૌરાંગ રાઠીએ 66 લોકોના દાઝી જવાની માહિતી આપી હતી.(fire in durga pandal ) DMએ જણાવ્યું કે આરતી દરમિયાન પંડાલમાં લગભગ 150 લોકો હાજર હતા. સળગી ગયેલા લોકોને અનેક હોસ્પિટલમાં દાખલ કરવામાં આવ્યા હતા, જ્યાંથી તેમની હાલત ગંભીર બનતા વારાણસીના ટ્રોમા સેન્ટરમાં રિફર કરવામાં આવ્યા હતા. આ ઘટનામાં ત્રણ બાળકો સહિત પાંચ લોકોના મોત થયા હતા.
SITની રચના: ઘટનાની માહિતી મળતા જ ADG વારાણસી, કમિશનર યોગેશ્વર રામ મિશ્રા, ડીઆઈજી, જિલ્લા અધિકારી, પોલીસ અધિક્ષક અને અન્ય અધિકારીઓ અને વહીવટી અધિકારીઓ ઘટનાસ્થળે પહોંચી ગયા હતા.સોમવારે ADG રામ કુમારે આ મામલાની તપાસ માટે 4 સભ્યોની SITની રચના કરી હતી.(SIT FOR FIRE IN DURGA PANDAL ) આ ટીમમાં અધિક જિલ્લા મેજિસ્ટ્રેટ (ફાઇનાન્સ રેવન્યુ), અધિક પોલીસ અધિક્ષક, XEN હાઈલ અને ફાયર સેફ્ટી ઓફિસરનો સમાવેશ કરવામાં આવ્યો છે.
ટ્રોમા સેન્ટરમાં રિફર: ઔરાઈ પોલીસ સ્ટેશન નજીક પોખરા નજીક દુર્ગા પંડાલમાં મોડી રાત્રે અચાનક આગ લાગવાથી 50થી વધુ લોકો દાઝી ગયા હતા. જેમાંથી અંકુશ અને શિવાંગીનું મોત થયું હતું. જ્યારે 50થી વધુ લોકો ગંભીર રીતે દાઝી ગયા હતા. તેઓને તરત જ સૂર્યા ટ્રોમા સેન્ટર, આનંદ હોસ્પિટલ, સામુદાયિક આરોગ્ય કેન્દ્ર ગોપીગંજ ઔરાઈમાં મોકલવામાં આવ્યા હતા. અહીંથી હાલત નાજુક બનતાં વારાણસી ટ્રોમા સેન્ટરમાં રિફર કરવામાં આવી હતી.
અફરા-તફરીનો માહોલ: આગની માહિતી મળતા જ ઔરાઈ વિસ્તારમાં દોડધામ મચી ગઈ હતી. એમ્બ્યુલન્સ અને પોલીસ અધિકારીઓ, વહીવટી અધિકારીઓના વાહનો રસ્તાઓ પર દોડતા રહ્યા. ADG વારાણસી ઝોન, કમિશનર, DIG, જેઓ સળગેલા લોકોને વધુ સારી સારવાર આપવા માટે ઘટનાસ્થળે પહોંચ્યા હતા, તેઓએ તાત્કાલિક સંબંધિત હોસ્પિટલોને સુચન આપ્યા હતા. અકસ્માત એટલો ભયાનક હતો કે આ વિસ્તારમાં અફરા-તફરીનો માહોલ સર્જાયો હતો અને ઔરાઈ જીટી રોડ સહિત અન્ય માર્ગો પર ભીડ જોવા મળી હતી.
