મળતી માહિતી મુજબ વડોદરા શહેરના વારસીયા વિસ્તારમાં રહેતો બુટલેગર હરિશ ઉર્ફે હરિ ચંદ્રકાંતભાઇ બ્રહ્મક્ષત્રીય એક મહિના પૂર્વે જ પાસામાંથી છુટીને આવ્યો હતો. પાસામાંથી છુટીને આવ્યા પછી ફરીથી હરિશ બ્રહ્મક્ષત્રિયે દારુનો ધંધો શરુ કરી દીધો હતો. હરણી તેમજ નંદેસરીના પ્રોહિબિશનના બે ગુનામાં તે વોન્ટેડ હતો. આ સાથે તે દારુના બે કેસમાં સંડાવાયેલો હતો. હરિશ ઉર્ફે હરિ બ્રહ્મક્ષત્રીયને પીસીબી પોલીસે તેના ઘરેથી જ ઝડપી પાડયો છે.
હરિશ ઉર્ફે હરિ વિરુદ્ધ અગાઉ માંજલપુર, ડીસીબી, વારસીયા, સિટિ તેમજ વાઘોડિયા પોલીસ સ્ટેશનમાં પણ પ્રોહિબિશનના ગુનાઓ નોંધાયા છે.
