વડોદરાના બાવામાનપુરામાં મોડી રાત્રે નિર્માણાધીન ઈમારત ધરાશાયી, 3ના મોત

વડોદરા શહેરના બાવામાનપુરા વિસ્તારમાં 3 માળની નિર્માણાધીન ઈમારત ધરાશાયી થતા 3 લોકોના મૃત્યુ થયા છે. મૃતકોમાં એક મહિલા અને 2 પુરૂષો સામેલ છે. તમામ મૃતકો મજૂરો હતા. સમગ્ર ઘટનાની જાણકારી મળતા જ પ્રશાસન અને ફાયરની ગાડીઓ ઘટનાસ્થળે પહોંચી રેસ્ક્યૂ ઓપરેશન હાથ ધર્યું હતું.

વડોદરા : શહેરના બાવામાનપુરા વિસ્તારમાં એક નિર્માણાધીન ઈમારત ધરાશાયી થઈ હતી. જેમાં એક મહિલા અને 2 પુરુષો સહિત 3 લોકોના મૃત્યુ થયા છે. તેમજ 18 વર્ષના યુવકને જીવતો બહાર કાઢવામાં આવ્યો છે. ફાયર બ્રિગેડ દ્વારા રેસ્ક્યૂ કામગીરી ચાલુ છે.

એવી પણ માહિતી મળી રહી છે કે, હજુ એક વ્યક્તિ કાટમાળ નીચે દટાયેલો છે. સ્થાનિકોના જણાવ્યાં મુજબ આ ઈમારત પહેલેથી એક બાજુ નમેલી હતી. લોકોએ તેની ફરિયાદ પણ કરી હતી, છતાં કોઈ કાર્યવાહી ન કરાઈ તે મોટો પ્રશ્ન છે. જેને લઈ ઈમારત ધરાશાયી થવાથી 3 મજૂરોને પોતાના જીવ ગુમાવવાનો વારો આવ્યો હતો.