પાદરામાં જવેલર્સની દુકાનમાં પર્સની ચોરી કરનારી મહિલા સીસીટીવીમાં થઈ કેદ, પોલીસે કરી અટકાયત

વડોદરા શહેર નજીક આવેલા પાદરામાં જ્વેલર્સની દુકાનમાં પર્સ ચોરી કરવાની ઘટના સીસીટીવી કેમેરામાં કેદ થઈ હતી. આ મામલે પાદરા પોલીસે પર્સ ચોરી કરનારી મહિલાની ધરપકડ કરી કાયદેસરની કાર્યવાહી હાથધરી છે.

• પાદરામાં જવેલર્સની દુકાનમાં પર્સની ચોરી કરનારી મહિલા ઝડપાઈ
• સીસીટીવી કેમેરામાં સમગ્ર ઘટના થઈ કેદ
• પોલીસે મહિલાની અટકાયત કરી

વડોદરાઃ શહેર નજીક આવેલા પાદરામાં સાંઈ જવેલર્સ નામની દુકાનમાં પાદરાના રણું ગામની મહિલા ચાંદીના કડા ધોવડાવવા માટે ગઈ હતી. ત્યારે આ સમય દરમિયાન ગોત્રી વિસ્તારની મહિલા પણ જવેલર્સની દુકાનમાં આવી હતી. ચાંદીના કડા ધોવડાવવા આવેલી રણું ગામની મહિલાએ પોતાનું પર્સ કાઢીને બાજુમાં મૂક્યું તે દરમિયાન ગોત્રી વિસ્તારમાં રહેતી મહિલાએ પર્સ ચોરી કર્યું હોવાનું પોલીસ તપાસમાં બહાર આવ્યું છે.

પાદરામાં જવેલર્સની દુકાનમાં પર્સની ચોરી કરનારી મહિલા સીસીટીવીમાં થઈ કેદ

મહિલાના પર્સમાં હતા રૂપિયા 5,500

આ બનાવની વિગત મુજબ ચાંદીના કડા ધોવડાવવા માટે આવેલી રણું ગામની મહિલાના પર્સમાં રૂપિયા 5,500 રોકડા હતા. આ મહિલાએ જવેલર્સની દુકાનમાં દુકાનદારને રૂપિયા આપવા માટે પર્સ લેવા જતા, ત્યાં પર્સ હતું નહીં. આ વખતે એક મહિલા આવેલી જે બાજુમાં બેઠેલ હતી અને પર્સ નહીં મળતા રણું ગામની મહિલાએ તેઓના પતિને ફોન કરીને બોલાવ્યા હતા અને જવેલર્સમાં લગાવેલા સીસીટીવી ચેક કરતાં બાજુમાં વડોદરાના ગોત્રી વિસ્તારમાં રહેતી મહિલા પર્સ પર બેસીને આ પર્સ પોતાની થેલીમાં નાખતાં તમામ હરકતો સીસીટીવીમાં જણાઈ આવી હતી

પાદરામાં જવેલર્સની દુકાનમાં પર્સની ચોરી કરનારી મહિલા સીસીટીવીમાં થઈ કેદ

પોલીસે કાયદેસરની કાર્યવાહી હાથ ધરી

આ મામલે પાદરા પોલીસને જાણ કરતા પોલીસે મહિલાને પોલીસ મથકે લઈ જઈ નામ ઠામ પૂછતાં તે વડોદરાના ગોત્રી વિસ્તારમાં રહેતી હોવાનું બહાર આવ્યું હતું. આ મામલે પાદરા પોલીસે કાયદેસરની કાર્યવાહી હાથધરી છે.