ન્યૂઝ ડેસ્ક: રાજ્યસભાની ચૂંટણી આવી રહી છે. તેવા સમયે કરજણના કોંગ્રેસના ધારાસભ્ય અક્ષય પટેલ સંપર્ક વિહોણા થતાં અનેક રાજકીય તર્ક-વિતર્ક થવા લાગ્યા છે. મળતી માહિતી મુજબ અક્ષય પટેલે કોંગ્રેસમાંથી રાજીનામું આપ્યું છે. અક્ષય પટેલનો ફોન સ્વીચ ઓફ આવી રહ્યો છે, જેથી કોંગ્રેસનું મોવડી મંડળ અક્ષય પટેલનો સંપર્ક કરવા પ્રયાસ કરી રહ્યું હતુ.
આ પ્રકારની ચર્ચાએ જોર પકડતાં ગુજરાત કોંગ્રેસના નેતા પરેશ ધાનાણીએ ટ્વીટ કરીને રાજ્ય સરકાર પર ધારાસભ્યોને ખરીદવાના આરોપ લગાવ્યા છે.
અત્યાર સુધી કોંગ્રેસના પાંચ ધારાસભ્યો રાજીનામુ આપી ચુક્યા છે. જે વી કાકડીયા, સોમા ગાંડા, પ્રવીણ મારું પ્રદ્યુમ્નસિંહ જાડેજા તેમજ મંગળ ગાવીત રાજીનામુ આપી ચુક્યા છે. ત્યારબાદ ફરી ગઈકાલે રાત્રે 2 ધારાસભ્યએ રાજીનામા આપતા કોંગ્રેસનું સંખ્યબળ 66 પર આવી ગયુ હતું.