વડોદરા: તાંદલજામાં મુસ્લિમ મહિલાઓ શાંતિપૂર્ણ CAA અને NRCનો વિરોધ કરી રહી છે. જેના સમર્થનમાં આમદાવાદથી 14 યુવાનોની ટીમ આવી પહોંચી છે. અમદાવાદથી આવેલી ટીમના સભ્ય શમશાદ પઠાણે જણાવ્યું હતું કે, વડાપ્રધાન નરેન્દ્ર મોદી અને ગૃહ પ્રધાન અમીત શાહ દેશમાં NRC અંગે ભ્રમ ફેલાવી રહ્યા છે. લોકસભામાં પત્ર દ્વારા જણાવાયું છે કે, NRC હાલ લાગૂ કરવામાં આવશે નહીં, પરંતુ NPA એ NRCનું પ્રથમ પગલું છે. NPAની પ્રક્રિયાનો ઉપયોગ NRC માટે કરવામાં આવશે.
ભાજપના મુખ્ય પ્રધાન અને નેતાઓએ જણાવ્યું છે કે, દેશમાં NRC લાગૂ થશે. ગુજરાત ભાજપાની પત્રિકામાં પણ જણાવ્યું છે કે, સમગ્ર દેશમાં NRC લાગૂ કરવામાં આવશે. ભાજપ લોકોને CAA લાગૂ કરવામાં આવશે, તેમ જણાવી રહ્યું છે. મુસ્લિમોને ડરવાની જરૂર નથી. નોન મુસ્લીમોને પણ નાગરિક્તા આપવામાં આવશે.
વધુમાં તેમણે જણાવ્યું હતું કે, તાંદલજામાં CAA અને NRCના વિરોધમાં જે આંદોલન ચાલી રહ્યું છે, તે આંદોલનને સમર્થન આપવા માટે અમે આવ્યાં છીએ. અમે તાંદલજા વિસ્તારના લોકોને વધુમાં વધુ આંદોલનમાં જોડાય તેવી અપીલ કરી છે. જ્યાં સુધી CAA અને NRC પરત લેવામાં નહીં આવે, ત્યાં સુધી આંદોલન ચાલુ રહેશે. આ આંદોલન માત્ર વડોદરામાં જ નહી, પરંતુ સમગ્ર ગુજરાતમાં હવે ફેલાઇ રહ્યું છે.
