વડોદરા: હાલોલ નગરમાં પાવાગઢ રોડ ઉપર ટાયરના ઘણા બધા ગોડાઉન આવેલા છે, જેમાં અવાર-નવાર ટાયરોના ગોડાઉનમાં આગ લાગવાની ઘટનાઓ સામે આવતી હોય છે. જેમાં સોમવારે રાત્રીના સમયે પાવાગઢ રોડ વિસ્તારમાં આવેલ ટાયરના ગોડાઉનમાં એકા-એક કોઈ અગમ્ય કારણોસર આગ લાગી(huge fire broke out in a tire godown in Vadodara) હતી, જેને લઈને અફરાતફરીનો માહોલ સર્જાયો હતો, જેમાં ટૂંકા ગાળામાં આગે વિકરાળ સ્વરૂપ ધારણ કર્યું હતું.
ભારે જહેમત બાદ આગ પર મેળવાયો કાબુ
આગ લાગ્યાની જાણ ફાયર ફાઈટર વિભાગને થતાં હાલોલ, કાલોલ સહિત એમજી મોટર્સ તેમજ પોલિકેબના ફાયર ફાયટરો ઘટના સ્થળે પહોંચી ગયા હતા, તેમના દ્વારા સતત પાણીનો મારો ચલાવામાં આવ્યો હતો અને આગ પર મહામહેનતે કાબુ મેળવવામાં આવ્યો હતો.
લાખોનો માલ આગમાં થયો ખાખ
ટાયરના ગોડાઉનમાં આગ લાગવાની જાણ હાલોલ પોલીસ મથકમાં થતા હાલોલ પોલીસ સ્ટાફ પણ ઘટનાસ્થળે પહોંચી ગયો હતો, સદનસીબે આગની ઘટનામાં કોઈ જાનહાનિ ન થતા હાશકારો અનુભવાયો હતો, પરંતુ લાખોનું નુકસાન થયું હોય તેવો અંદાજ સામે આવી રહ્યો છે.
આ પણ વાંચો : Fire Broke Out In Grocery Store: હિંમતનગરના કરિયાણાની દુકાનમાં આગ લાગતાં લાખોનો માલ સ્વાહા
આ પણ વાંચો : Gas line explosion Surat: સુરતનાં નિર્મળનગર પાસે ગેસ લાઈનમાં ભંગાણમાં થતા લાગી આગ
