- વડોદરામાં ભાજપના ધારા સભ્યના ઘરે ધમાલ
- હીંચકા પર બેસી જોરજોરથી હીચકા ખાઇને બૂમાબૂમ કરતો હતો
- અજાણ્યા યુવકે પથ્થરમારો કરી કાચ તોડ્યાં
વડોદરા : અકોટા વિધાનસભાના ભાજપના ધારાસભ્ય સીમાબેન મોહિલેના નિવાસ્થાને ગત રાત્રે એક યુવકે આવીને દારૂ પીધેલી હાલતમાં ધાંધલ- ધમાલ મચાવી હતી. ઘરની બહાર મુકેલા હીંચકા પર બેસી જોર-જોરથી હીંચકા ખાધા હતા અને બૂમાબૂમ કરી હતી. બારી પર પથ્થર ફેંકી બારીના કાચ તોડી નાંખ્યા હતા. આ અંગે મહિલા ધારાસભ્યે ગોત્રી પોલીસને જાણ કરતાં પોલીસે અટકાયત કરી હતી. જે આધારે આજે સવારે મંગળવારે ગોત્રી પોલીસે યુવકની ધરપકડ કરી હોવાનું જાણવા મળ્યું છે.
આ પણ વાંચો : વાંકાનેરના જીતુ સોમાણીનો લેટર બોમ્બ, ભાજપ પ્રમુખ-સાંસદ સામે ગંભીર આક્ષેપો કર્યા
ઉશ્કેરાયેલા યુવક દ્વારા ધમાલ
એવી માહિતી મળી છે કે, ધારાસભ્યના નિવાસસ્થાનેથી થોડે દુર કેટલાક યુવકો બેઠા હતા. ત્યાં આવીને પોલીસે તેઓને ભગાડ્યા હતા. જેથી તેમાંથી એક ઉશ્કેરાયેલા યુવક દ્વારા ધારાસભ્યોના નિવાસસ્થાને પહોંચી જ ધમાલ મચાવી હતી.
આ પણ વાંચો : ભાવનગરના ઘોઘામાં આઝાદી પછી સત્તા મળી તો મહામારીના નિયમને નેવે મૂકી ભાજપ પ્રદેશ પ્રમુખની રેલી નીકળી
