- વડોદરામાં આવાસ યોજના (Housing scheme in Vadodara)ના ડ્રોમાં નામ બદલી નાખનારા આરોપીને કોર્ટમાં રજૂ કરાયો
- ક્રાઈમબ્રાન્ચે આરોપીને કોર્ટમાં રજૂ કરતા 3 દિવસના રિમાન્ડ મંજૂર થયા
- આરોપીઓના રિમાન્ડ દરમ્યાન અન્ય નામો ખૂલવાની શક્યતા
વડોદરાઃ રાજ્ય સરકારના વિકાસ દિવસની ઉજવણી વખતે યોજાયેલા કાર્યક્રમમાં પાલિકાના આવાસ યોજના (Housing scheme in Vadodara)ના મકાનોનું કમ્પ્યુટરાઈઝ્ડ ડ્રો (Computerized draw) કરવામાં આવ્યું હતું. ત્યારબાદ યાદી બદલી નાખવાના કૌભાંડમાં ક્રાઈમબ્રાન્ચની ટીમે (Crime Branch Team) આરોપી કાર્યપાલન ઈજનેર પ્રમોદ વસાવા અને MIS એક્સપર્ટ નિશિથ પીઠવાની ધરપકડ કરી હતી. આ બંને આરોપીઓને કોર્ટમાં રજૂ કરાતા કોર્ટે 3 દિવસના રિમાન્ડ મંજૂર કર્યા છે. જોકે, ક્રાઈમબ્રાન્ચે બંને આરોપી માટે 7 દિવસના રિમાન્ડની માગણી કરી હતી. આ સાથે જ હવે રિમાન્ડ દરમિયાન વધુ નામ ખૂલવાની શક્યતા છે.
આ પણ વાંચોઃ વડોદરામાં પ્રધાનમંત્રી આવાસ યોજનાના ડ્રો બાદ આવાસોની ફાળવણી મામલે કૌભાંડની ફરિયાદ
VMCની બેઠકમાં કાર્યપાલક ઈજનેરને સસ્પેન્ડ કરવાની રજૂઆત મંજૂર કરવામાં આવી હતી
વડોદરા મહાનગરપાલિકા (Vadodara Municipal Corporation)ની સ્થાયી સમિતિની બેઠકમાં પાલિકાના કાર્યપાલક ઈજનેર પ્રમોદ વસાવાને સસ્પેન્ડ કરવાની રજૂઆત મંજૂર કરવામાં આવી હતી. જોકે, રાજ્ય સરકારના વિકાસ દિવસની ઉજવણી વખતે યોજાયેલા કાર્યક્રમમાં પાલિકાના આવાસ યોજનાના મકાનોનું કમ્પ્યુટરાઈઝ્ડ ડ્રો થયું હતું. ડ્રો થયા પછી યાદી બદલી નાખવાના કૌંભાડમાં ક્રાઈમબ્રાન્ચની ટીમે એક આરોપીની ધરપકડ કરી હતી. તો આ આરોપીને કોર્ટમાં રજૂ કરાતા કોર્ટે 3 દિવસના રિમાન્ડ મંજૂર કર્યા છે.
આ પણ વાંચોઃ અમદાવાદના જાણીતા બિલ્ડરને ત્યાં EDના દરોડા, લોનનું મોટુ કૌભાંડ બહાર આવવાની શક્યતા
પોલીસ કમિશનરે આ કેસની તપાસ ક્રાઈમબ્રાન્ચને સોંપી હતી
આવાસ યોજના ડ્રોનું લિસ્ટ કાર્યપાલક ઈજનેરે પોતાની જાતે બદલી નાંખી નવું લિસ્ટ બનાવ્યું હતું અને આ લિસ્ટ સર્ટિફાઈડ કરીને MIS એક્સપર્ટને આપી તે લિસ્ટ કોર્પોરેશનની વેબસાઈટ પર અપલોડ કરાવ્યું હતું. આની ફરિયાદ નવાપુરા પોલીસ સ્ટેશનમાં (Navapura Police Station) નોંધાઈ હતી. આ ફરિયાદની ગંભીરતાને લઈ વડોદરા પોલીસ કમિશનર (Vadodara Police Commissioner) દ્વારા તપાસ વડોદરા ક્રાઈમ બ્રાન્ચને સોંપવામાં આવી હતી. આ કેસની તપાસ દરમિયાન શુક્રવારે પોલીસે બન્ને આરોપીઓ પ્રમોદ વસાવા અને નિશિત પીઠવા ને વડોદરા ની કોર્ટમાં રજૂ કરી સાત દિવસના રિમાન્ડની માગણી કરી હતી.
અગાઉ પણ ગેરરીતિ થયાની આશંકા
પોલીસે આરોપીઓની ડ્રોનું લિસ્ટ બદલવામાં સંડવણીની છે. તેવું જણાવી સૉફ્ટવેરની તપાસ કરવી છે. આ અગાઉ પણ ગેરરીતિ થયાની આશંકા વ્યક્ત કરી હતી. તેમ જ વોટ્સએપ પર લિસ્ટ મોકલી બદલી હોવાનું જણાવી 7 દિવસના રિમાન્ડની માગણી કરી હતી. જ્યારે આરોપીઓના વકીલે કરેલી દલીલો બાદ કોર્ટે 3 દિવસના રિમાન્ડ મંજૂર કર્યા હતા.
