- સુરતમાં ગુલાબી ઠંડીનો અનુભવ
- સુરતનું વાતાવરણ હિલ સ્ટેશન જેવું જોવા મળ્યું
- રોડમાં ધુમ્મસના કારણે વિઝિબિલિટી ઝીરો થઈ
સુરત : હાલ શિયાળો ચાલી રહ્યો છે. સુરતમાં ગુલાબી ઠંડીનો અનુભવ થઇ રહ્યો છે. ત્યારે વહેલી સવારે સુરતનું વાતાવરણ હિલ સ્ટેશન જેવું જોવા મળી રહ્યું છે અને સુરતીઓ આ હિલ સ્ટેશન જેવો નજારો જોવા ઉમટી રહ્યા છે.
સુરતમાં ગુલાબી ઠંડી સાથે હિલ સ્ટેશન જેવો માહોલ જોવા મળ્યો
સુરતીઓ આ વાતાવરણને મનભરીને માણવા માટે મોટી સંખ્યામાં ઉમટી રહ્યા છે. આ ઉપરાંત વિદેશી પક્ષીઓ પણ હાલ અહીં મહેમાન બન્યા છે. ત્યારે આ આહલાદક વાતાવરણમાં સુરતીઓનો ઉત્સાહ બમણો જોવા મળી રહ્યો છે.સુરતના અનેક વિસ્તાર સચિન-પલસાણા ભટાર અઠવાલાઇન્સ ઘોડદોડ રોડમાં ધુમ્મસના કારણે વિઝિબિલિટી ઝીરો થઈ છે. જેના કારણે ટ્રાફિકની સમસ્યા પણ સર્જાઇ છે. વાહનચાલકો હેડલાઇટ અને પાર્કિંગ લાઈટ ચાલુ કરી ઘરેથી નીકળ્યા હતા.
