- ઓનલાઈન એજ્યુકેશન દ્વારા વોટ્સએપ બેઇઝડ વીકલી ટેસ્ટ
- ધોરણ 10ના 5.94 ટકા જેટલા વિદ્યાર્થીઓ આપે છે ઓનલાઇન ટેસ્ટ
- સુરતમાં વિદ્યાર્થીઓનું પરિણામ ખૂબ જ ઓછું સ્કૂલોમાં ઓનલાઇન શિક્ષણ
સુરત : કોરોના મહામારી લીધે શિક્ષણ વિભાગ દ્વારા ઓનલાઇન શિક્ષણ લેવાનું નક્કી કરવામાં આવ્યું હતું. સુરતમાં ધોરણ 3થી 10ના વિદ્યાર્થીઓની સંખ્યા 1.27 લાખ જેટલી છે. વિદ્યાર્થીઓની ઓનલાઇન ટેસ્ટ લેવામાં આવે છે, ત્યારે 19 હજાર જેટલા વિદ્યાર્થીઓ ઓનલાઇન ટેસ્ટ આપે છે. ઓનલાઈન એજ્યુકેશન દ્વારા વોટ્સએપ બેઇઝડ વીકલી ટેસ્ટ લે છે અને દર વખતે સુરતના વિદ્યાર્થીઓનું પરિણામ ઓછું જ આવી રહ્યું છે. જેના કારણે વાલીઓ ચિંતામાં મૂકાયા છે.
ધોરણ 3થી 5ના વિદ્યાર્થીઓની સંખ્યા 46,690
સુરતમાં ધોરણ 3થી 5ના વિદ્યાર્થીઓની સંખ્યા 46,690 છે. તેમાંથી 7,306 વિદ્યાર્થીઓએ વીકલી ટેસ્ટ આપી છે. એટલે કે 15.65 ટકા વિદ્યાર્થીઓ છે. ધોરણ 6થી 8ના વિદ્યાર્થીઓની સંખ્યા 45,523 છે. તેમાંથી 9,497 વિદ્યાર્થીઓએ ટેસ્ટ આપી છે. એટલે કે 20.86 ટકા વિદ્યાર્થીઓ છે.
ધોરણ 9થી 10ના વિદ્યાર્થીઓની સંખ્યા 34,672
ધોરણ 9થી 10ના વિદ્યાર્થીઓની સંખ્યા 34,672 છે. તેમાંથી 1,854 વિદ્યાર્થીઓએ વિકલી ટેસ્ટ આપી છે. એટલે કે 5.35 ટકા વિદ્યાર્થીઓએ વીકલી ટેસ્ટ આપી છે. એમાંથી ધોરણ 3થી 10ના 1,26,885માંથી 18,657 વિદ્યાર્થીઓએ વોટ્સએપ બેઇઝ વીકલી ટેસ્ટ આપી છે.
30 ટકાથી ઓછા વિદ્યાર્થીઓ ઓનલાઇન ટેસ્ટ આપે
ધોરણ-3-14.92 ટકા, ધોરણ-4-15.51 ટકા, ધોરણ-5-16.59 ટકા, ધોરણ-6-18.09 ટકા, ધોરણ-7-22.33 ટકા, ધોરણ-8-22.27 ટકા, ધોરણ-9-4.71 ટકા અને ધોરણ-10-5.94 ટકા જેટલા વિદ્યાર્થીઓએ ઓનલાઇન ટેસ્ટ આપી છે.
