સુરત: શહેરના ચોકબજાર વિસ્તારમાં ગત 9 ઓગસ્ટ 2019ના રોજ તરૂણી પર ચાકુ બતાવી તેના પર દુષ્કર્મ કરવામાં આવ્યો હતો. આ મામલે ચોક બજાર પોલીસ સ્ટેશન(Chowk Bazar Police Station) દ્વારા ભોગ બનારના પરિવાર દ્વારા ફરિયાદ નોંધાવવામાં આવી હતી. જેથી ચોકબજાર પોલીસે આરોપી ઈમ્તિયાઝ હુસૈન શેખની ધરપકડ કરી હતી. જે મામલે નામદાર કોર્ટમાં કેસ ચાલ્યો હતો. આજરોજ આરોપીને નામદાર કોર્ટ દ્વારા 20 વર્ષની સખ્ત સજા સંભળાવી છે. આ બનાવ ગત 9 ઓગસ્ટ 2019ના રોજ ચોક બજાર વિસ્તારમાં બન્યો હતો.
આ પણ વાંચો: Jantrakhadi Rape Case : દુષ્કર્મ કેસના આરોપીને ફાંસીની સજાની માગણી ઉઠી
બાળકીને ચાકુ બતાવી તેની પર દુષ્કર્મ કર્યું હતું - આ દુષ્કર્મ મામલે આરોપી ઈમ્તિયાઝ હુસૈન શેખની ધરપકડ બાદ પોલીસની કડક પૂછપરછ દરમિયાન જાણવા મળ્યું હતું કે, આરોપીએ મૂળ બિહારનો રહેવાસી છે. તેણે બાળકીને ચોક બજાર વિસ્તારમાં આવેલા પાંડોર પાસે રહેમતનગરના એક એપાર્ટમેન્ટના ફ્લેટમાં(Apartment Rahmatnagar Chowk Bazar) લઈ ગયો હતો. જ્યાં તેણે બાળકીને ચાકુ બતાવી તેની પર દુષ્કર્મ કર્યું હતું. ત્યારબાદ કહ્યું હતું કે, જો તું આ વાત કોઈને કહેશે તો તને મારી નાખીશ. જ્યારે બાળકીએ ઘરે આવ્યા બાદ સમગ્ર ઘટના માતા પિતાને જાણ કરતા પોલીસમાં ફરિયાદ કરવામાં આવી હતી.
20,000ની રૂપિયાનો દંડ ફટકારવામાં આવ્યો સાથે વધુ એક વર્ષની સજા - આ પોસ્ટના આરોપીને પોલીસે કોર્ટમાં રજૂ કરી તેના રિમાન્ડ મેળવ્યા બાદ નામદાર કોર્ટમાં કેસ ચાલ્યો હતો. આ કેસમાં સરકારી વકીલ તરફે વિશાલ ફળદુએ નામદાર કોર્ટ સમક્ષ 18 જુબાની 23 દસ્તાવેજી પુરાવા રજૂ કર્યા હતા. તે ઉપરાંત પોલીસની જુબાની, માતા પિતાની જુબાની વગેરે પુરાવાઓ આધારિત આજરોજ નામદાર કોર્ટના મુખ્ય ન્યાયાધીશ(Chief Justice of the Court) દિલીપ P મહીડાએ આરોપી ઈમ્તિયાઝ હુસૈન શેખને 20 વર્ષની સખત સજા તેમજ 20,000ની રૂપિયાનો દંડ ફટકારવામાં આવ્યો હતો. આ સાથે વધુ એક વર્ષની સજા ફટકારવામાં આવી છે. સમાજમાં રહેલા આવા અસામાજિક તત્વોને અટકાવવા(Preventing antisocial elements) માટે મુખ્ય ન્યાયાધીશ દ્વારા આ સજા ફટકારવામાં આવી છે.
આ પણ વાંચો: કળયુગ હજી કેટલું દેખાડશે..! સુરતમાં મામા કંશને પણ શરમાવે એવું કર્યું કૃત્ય
નાબાલિક બાળકીઓ આવી વાતથી અજાણ હોય છે - તે ઉપરાંત પરિવારને 1 લાખ 40 હજાર રૂપિયાનું વળતર આપવામાં આવશે. આ વયની નાબાલિક બાળકીઓને ભાન હોતું નથી. તેણે તેનો વિશ્વાસ જીતી આરોપીઓ આ પ્રકારના કૃત્યો કરતા હોય છે. જેથી સમાજમાં ઉત્તમ દાખલો બેસે તે માટે આ સજા ફટકારવામાં આવી છે.
