સમગ્ર વિગત અનુસાર ઉધના ભીમ નગર નજીલ આવેલા સંતોષી નગરના કંજરવાડ ખાતેથી ક્રાઇમ બ્રાન્ચે આરોપીઓને ઝડપી પાડ્યા છે. આરોપી અશોક સુમતારામ રાજનટ, ધરમ મુકેશભાઈ રાણા સહિત રાકેશ ભીખુભાઇ નાયકાની ધરપકડ કરવામાં આવી છે. આરોપીઓ પાસેથી મોટર સાયકલ, સોનાના અલગ અલગ ઘરેણાં, બે મોબાઈલ તેમજ રોકડ રકમ મળી કુલ 1,80,300 નો મુદ્દામાલ ક્રાઇમ બ્રાન્ચે જપ્ત કર્યો છે.
ત્રણ આરોપીઓની ધરપકડ કરી
ક્રાઇમ બ્રાન્ચની પુછપરછમાં અડાજણ સહિત ઉંમરા વિસ્તારમાં નોંધાયેલા ચોરી તેમજ લૂંટના ચાર ગુનાનો ભેદ પણ ઉકેલાઈ ગયો છે. જેમાં અડાજણ વિસ્તારમાં ત્રણ મોબાઈલ સ્નેચિંગ અને ઉમરા પોલીસ ચોપડે નોંધાયેલ લૂંટના ગુનાનો ભેદ ઉકેલાયો છે. ક્રાઇમ બ્રાન્ચની તપાસમાં આરોપી ધરમ રાણા અગાઉ ખટોદરા અને અડાજણ પોલીસના હાથે ચોરી તેમજ લૂંટના ગુનામાં ઝડપાઇ ચુક્યો હોવાનું ખુલ્યું હતું.
