સુરત : નિરાધાર બાળકોના ઉજ્જવળ ભવિષ્ય માટે સમાજસેવી, સંસ્થાઓ કે સમાજસેવકો (Raksha Bandhan 2022) અનેક પ્રયત્નો કરતા છે. એમ પોલીસ સબ ઇન્સ્પેક્ટર શીતલ ડી. ચૌધરી અનાથ આશ્રમમાં બાળકોને દર રવિવારે અલગ અલગ એક્ટિવિટી શીખવાડવા (Raksha Bandhan Festival in Surat) માટેનો સમય ફાળવે છે. આ વર્ષે તેમણે દીકરીઓને રાખડી બનાવતા શીખવાડ્યું છે અને તેનું એક્ઝિબિશન પણ રાખ્યું છે. જેને લઈને થનારી આવક દીકરીઓના ખાતામાં જ જમા કરાવાશે.
અનાથાશ્રમમાં દીકરી - શહેરના ગોડાદરા પોલીસ સ્ટેશનના એક પોલીસ સબ ઇન્સ્પેકટર શીતલ ડી.ચૌધરી અને પુણા પોલીસ સ્ટેશનના હેડ કોન્સ્ટેબલ કામિની ચૌધરીની જોડી રૂસ્તમપુરા વિસ્તારમાં અનાથાશ્રમ ઢીંકા ચિકા ચાર્લી હાઉસ ખાતે બાળકીઓને દર રવિવારના રોજ એક્ટિવિટી કરાવી તેમના હુનરને વાચા આપવાનો પ્રયત્ન કરી રહ્યા છે. તહેવાર અનુસાર તેઓ દિકરીઓને અલગ અલગ ક્રાફ્ટની વસ્તુઓ શીખવાડી ભવિષ્યમાં પગભર કઈ રીતે થઈ શકાય એ માટેની તૈયારી (Raksha Bandhan Festival in Surat) કરાવી રહ્યા છે. આ અનાથાશ્રમમાં 5 વર્ષથી લઈને 18 વર્ષ સુધીની દીકરીઓ છે.
આર્થિક રીતે પગભર કરવાનો પ્રયત્ન - શીતલબેનની પોસ્ટિંગ જ્યારે સલાબતપુરામાં હતી તે સમયે 498 (ક) ઝઘડાની ફરીયાદો આવતી હતી. જેને લઇને રૂસ્તમપુરા વિસ્તારમાં તેમણે અને બહેને વિધવા બહેનો, બાળકીઓ અને અન્ય મહિલાઓને જ્વેલરી બનવતા શિખડાવાનું શરૂ કર્યું અને ફેબ્રિક તેમજ ઇમિટેશન જ્વેલરી નેકલેસ, બ્રેસલેટ જેવી વસ્તુઓ શીખવાડીને તેમને આર્થિક રીતે પગભર કરવાનો પ્રયત્ન કર્યો હતો. આજે પણ તેઓ આ કામ કરે છે. જોકે વર્ષ 2021 માર્ચમાં આંતરરાષ્ટ્રીય મહિલા દિવસે તેઓ અનાથ આશ્રમમાં ગયા હતા. ત્યાં તેમને વિચાર આવ્યો કે આ બાળકીઓ માટે કંઈક કરવું જોઈએ. જેથી તેઓ દર રવિવારે તેમને એક અલગ અલગ એક્ટિવિટી કરાવવાનું નક્કી કર્યું હતું.
આ પણ વાંચો : આ ગામમાં રક્ષાબંધન પર ભાઈના કાંડા રહે છે ખાલી, કારણ જાણીને તમે પણ ચોકી જશો
રકમ બાળકીઓના ખાતામાં - આ અંગે PSI શીતલ ચૌધરીએ જણાવ્યું હતું કે, દોઢ વર્ષથી આ અનાથ આશ્રમમાં આવું છું. દર રવિવારે એક કલાકનો સમય કાઢીને તેઓને અલગ અલગ ક્રાફ્ટ શીખવાડતી હતી. રક્ષાબંધનને લઇને તેમની પાસે હાલ રાખડીઓ તૈયાર કરાવી છે. અહીં 15થી 18 વર્ષ સુધીની 15 (Raksha Bandhan for destitute children) કિશોરીઓને રાખડી બનાવતા શીખવાડી છે. બેસિક રીતે શીખ્યા બાદ તેમણે પોતાના જ આઈડિયાથી જે રાખડીઓ બનાવી છે તે લેટેસ્ટ ફેશનને અનુરૂપ છે અને અત્યંત સુંદર છે. 1000થી પણ વધુ રાખડી તેઓએ બનાવી છે. જેનું એકઝીબિશન પણ રાખ્યું છે. તેમાંથી જે પણ રકમ આવશે તે બાળકીઓના ખાતામાં જમા કરવામાં આવશે.
આ પણ વાંચો : Raksha Bandhan 2022 : જૂનાગઢના રાખડી બજારમાં દશકા પહેલાંની સ્પંજ રાખડીનું ફરી થયું આગમન
રાખડી બનાવવાનું શીખવાડ્યું - આ અંગે રાખડી બનાવનાર વૈષ્ણવી ચૌહાણે જણાવ્યું હતું કે, હું છેલ્લા છ વર્ષથી અહીં ઢીંકા ચિકા ચાર્લી હાઉસમાં રહું છું. ફ્લાવર જ્વેલરી, બ્રોચ, દિવાળી, નવરાત્રી, પાર્ટી વગેરેને અનુરૂપ શીતલ બેને અમારી પાસે એક્ટિવિટી કરાવી છે. અત્યારે (Police Work in Gujarat) રક્ષાબંધનને લઇને મેડમે અમને રાખડી બનાવવાનું શીખવાડ્યું હતું. અમે મોરપીંછ, રાધાકૃષ્ણ, ગણેશજી, વીરા, બ્રો વગેરે અલગ અલગ થીમ અનુસાર (Raksha Bandhan 2022 in Surat) અમે રાખડી તૈયાર કરી છે. જેનું આજે એક્ઝિબિશન પણ રાખ્યું છે.
