- સુરત જિલ્લાના અલગ-અલગ વિસ્તારોમાં કરતા હતા ચોરી
- મોબાઈલ ટાવરની બેટરી, મોટર સાયકલ અને મોબાઇલની ચોરી કરતા
- નવ જેટલા ગુનાઓ ભેદ ઉકેલાયો
બારડોલી: પલસાણા પોલીસે ચાર આરોપીઓની મોબાઈલ ટાવરની બેટરી, બાઈક ચોરી, ઇલેક્ટ્રીક ઉપકરણોની ચોરીના ગુનામાં અટક કરી હતી. પોલીસે 9 જેટલા ગુનાના ભેદ ઉકેલ્યા હતા.
ચોરીનો મુદ્દામાલ લઈને સુરત જતા હતા ત્યારે પોલીસે દબોચ્યા
સુરતના જિલ્લાના પલસાણા પોલીસ મથકનો સ્ટાફ પલસાણા પોલીસ મથક વિસ્તારમાં પેટ્રોલીંગમાં હતા. ત્યારે ખાનગી રાહે બાતમી મળી હતી કે, ચોરીની હિરો હોન્ડા કંપનીની મોટર સાયકલની તથા અન્ય ચોરીમાં ગયેલા અન્ય મુદ્દામાલ લઈને જોળવા ગામ તરફથી કડોદરા થઇ સુરત તરફ જાય છે. જે બાતમી આધારે મૂળ મિર્ઝાપુરનો અને હાલ જોળવા ગામ ખાતે રહેતો આકાશ કેશવકાંત મિશ્રા તથા કાયદાના સંઘર્ષમાં આવેલા કિશોરને મોટરસાયકલ તથા અલગ-અલગ કંપનીના ચાર મોબાઇલો સાથે પકડી પાડ્યા હતા.
આ પણ વાંચો: સેલવાસમાં 7 મોબાઈલની ચોરી કરનાર 2 ચોરની ધરપકડ
