બાળકીને જન્મ આપ્યા બાદ માતાનો રિપોર્ટ કોરોના પોઝિટિવ, બાળકી સહિત પિતાને કરાયા ક્વોરેન્ટાઇન

સુરતના અમરોલી વિસ્તારમાં રહેતી મહિલાએ એક બાળકીને જન્મ આપ્યો હતો અને બાદમાં મહિલાનો કોરોના રિર્પોટ પોઝિટિવ આવતા મહિલાને સારવાર હેઠળ ખસેડવામાં આવી હતી, તો બીજી તરફ બાળકી અને મહિલાના પતિને ઘરે જ ક્વોરેન્ટાઈન કરી દેતા આઠ દિવસની બાળકીની દેખભાળ કરવી મુશ્કેલ બની છે.

સુરતઃ શહેરના અમરોલી વિસ્તારમાં રહેતી મહિલાએ ગત 6 જૂનના રોજ પ્રસુતિની પીડા ઉપડતા તેમને હોસ્પિટલ ખસેડવામાં આવી હતી. જ્યાં તેમએ એક બાળકીને જન્મ આપ્યો હતો. બાદમાં મહિલાનો કોરોના રિપોર્ટ પોઝિટિવ આવ્યો હતો. હોસ્પિટલના સતાધીશો દ્વારા મહિલાને હોસ્પિટલમાં અને બાળકીને તેના પિતા સાથે ઘરે મોકલી આપ્યા હતા. ત્યારે બાળકીની દેખભાળ કેમ કરવી તે અંગે મુંજવણમાં મૂકાયા છે.

સુરતના અમરોલી કોસાડ આવાસમાં રહેતા પ્રમોદ કુમાર જેસવાલ છુટક મજૂરી કરે છે. હાલ પરિવારમાં અન્ય કોઈ સદસ્ય નથી જે નવજાત બાળકીની સંભાળ કરે છે. બાળકીને તાવ આવતા તે પોતાના મિત્રના ઘરે પહોંચ્યો છે.

બાળકીને જન્મ આપ્યા બાદ માતાનો રિપોર્ટ કોરોના પોઝિટિવ