સુરત : કોરોના વાયરસના કહેરને લીધે રાજયમાં એક પરિપત્ર જાહેર કરવામાં આવ્યો છે. જેમાં જણાવવામાં આવ્યુ છે કે, જાહેરમાં થુકવા પર હવે 500 રૂપિયાનો દંડ વસુલ કરવામાં આવશે. જેમાં રવિવારે આરોગ્ય વિભાગની ટીમે 200 જેટલા લોકોને જાહેરમાં થુંકતા ઝડપ્યા હતા. આ તકે આરોગ્ય વિભાગે 50 હજારનો દંડ વસુલ્યો હતો.
કોરોના ઇફેક્ટ: સુરતમાં 200 લોકો જાહેરમાં થુકતા ઝડપાયા, આરોગ્ય વિભાગે વસુલ્યો 50 હજારનો દંડ
સુરતની મહાનગરપાલિકા દ્રારા પહેલા જાહેરમાં થુંકવા પર લોકોને 150 રૂપિયાનો દંડ ફટકારવમાં આવતો હતો. જયારે ગઇકાલે મહાનગરપાલિકા દ્રારા દંડની રકમમાં 100 રૂપિયાનો વધારો કર્યો હતો. જેની સાથે જ 250 રૂપિયા દંડની રકમ વસુલવામાં આવી હતી. જયારે રાજય સરકાર દ્રારા 500 રૂપિયા દંંડ ફટકારવાનો પરિપત્ર જાહેર કરાતા સોમવારથી જાહેરમાં થુકતા લોકો પાસેથી 500 રૂપિયા દંડ વસુલ કરવામાં આવશે.
