સુરત : શહેર જિલ્લા કોંગ્રેસ સમિતિ દ્વારા હક અને અધિકારની લડાઈ અંતર્ગત જનઆંદોલન (Congress Janandolan in Surat )શરુ કરવામાં આવ્યું છે.ત્યારે વિરોધ સ્વરુપે કરંજ વિધાનસભાના ધારાસભ્ય પ્રવીણ ઘોઘારીની (MLA Praveen Ghoghari )ઓફિસે જઈને લોલીપોપ અને બંગડીનું વિતરણ કરી વિરોધ નોંધાવ્યો હતો.
ધારાસભ્યોને આવેદન આપી રજૂઆત - સુરત શહેર જિલ્લા કોંગ્રેસ સમિતિ દ્વારા હક અને અધિકારની લડાઈ (Congress Janandolan in Surat ) અંતર્ગત વરાછા વિસ્તારમાં સરકારી કોલેજ, કબ્જા રસીદવાળી મિલકતોના માલિકી હક આપવા, રસ્તા વચ્ચે બંધ પડેલ હાઈટેનશન લાઈનો હટાવી રસ્તા ખુલ્લા કરવા, ગંધાતી ખાડીને પેક કરવા સહિતની માગ કરવામાં આવી છે. જેને લઈને આ તમામ વિસ્તારના 6 ધારાસભ્યોને આવેદન આપી રજૂઆત કરવા સાથે વિરોધ પણ કરવામાં આવી રહ્યો છે.
લોલીપોપ અને બંગડીનું વિતરણ કરી વિરોધ - આ દરમ્યાન કરંજ વિધાનસભાના ધારાસભ્ય પ્રવીણ ઘોઘારીની (MLA Praveen Ghoghari )ઓફિસે જઈને લોલીપોપ અને બંગડીનું વિતરણ કરી વિરોધ નોંધાવ્યો હતો. અહી રજૂઆત કરવા જતાં પોલીસે કોંગ્રેસના નેતાઓ અને કાર્યકરોને અટકાવ્યાં હતાં. જેથી પોલીસ સાથે પણ ઘર્ષણ સર્જાયું હતું.
કોલેજનું ખાનગીકરણ કરવામાં આવ્યું - દિનેશભાઈ સાવલિયાએ (Surat Congress Leader Dinesh Savaliya ) જણાવ્યું હતું કે વરાછામાં સરકારી કોલેજની માગ છેલ્લા ઘણા સમયથી કરવામાં આવી રહી છે. પરંતુ માગ પૂરી થતી નથી. આ ઉપરાંત સ્થાનિકોના અનેક પડતર પ્રશ્નો છે. આ પ્રશ્નો હલ ન થતા જનઆંદોલન શરુ કરવામાં આવ્યું છે. એકતરફ સરકારી કોલેજની માગ છે તો બીજી તરફ સરકારી કોલેજનું ખાનગીકરણ કરવામાં આવ્યું છે. તો સ્થાનિક ધારાસભ્ય શું કરે છે તે સમજાતું નથી. આ તમામ મુદ્દાઓને લઈને અમારો (Congress Janandolan in Surat ) વિરોધ છે.
