રાજકોટ: ભારત-ચીનની અથડામણમાં ભારતના 20 જવાનો શહિદ થયા હતા. આથી સમગ્ર દેશના લોકો ચીન સામે રોષ ઠાલવી રહ્યા છે, તેમજ ચીનની વસ્તુઓનો બહિષ્કાર કરી રહ્યા છે. ત્યારે ચીનની વસ્તુઓનો વિરોધ કરતા સરકારે મહત્વનો નિર્ણય લીધો છે. સરકાર દ્વારા ભારતમાં tiktok, share chat, xender, helo, like, you came mack up, mi community, cm browsers,virus cleaner સહિત 59 ચાઈનીઝ એપ્લિકેશન પર પ્રતિબંધ લગાવ્યો છે.
ચીનના વિરોધ વચ્ચે શાપર વેરાવળમાં માણસાઈને લજાવે અને લોકોની ધાર્મિક લાગણી દુભાવતો વીડિયો ચાઈનીઝ એપ પર વાઇરલ થયો છે. આ વીડિયોમાં એક શખ્સ બોલિવુડ સોંગ ઈશ્ક હે, ઈશ્ક હે... પર એકશન કરી શિવ મંદિરના નંદીને લાત મારતો વીડિયો બનાવ્યો છે. આ વીડિયોમાં એકશન કરનાર અને વીડિયો શુટ કરનાર શાપરના જયેશ ચુડાસમા અને દિનેશ મહિડા વિરુદ્ધ શહેર પોલીસ મથકમાં ફરિયાદ નોંધાઈ છે. આ અંગે પોલીસે ફરિયાદ નોંધી કાયદેસરની કાર્યવાહી હાથ ધરી છે.
