- રાવકી નદીમાં વરસાદી પાણીના કારણે ઘોડાપૂર આવ્યું
- રાજકોટની રાવકી નદીમાં કાર પુરમાં તણાઈ
- બે મહિલાઓને બચાવાઈ, કાર સવારનું મોત
રાજકોટઃ શહેર અને ગ્રામ્ય વિસ્તારમાં મંગળવારે બપોર બાદ ભારે વરસાદ જોવા મળ્યો હતો. ભારે વરસાદને લઇને લોધિકા ગામ ખાતે આવેલી રાવકી નદીમાં વરસાદી પાણીના કારણે ઘોડાપૂર આવ્યું હતું. લોધિકા ગામમાં આવેલા બેઠા પુલ પણ વરસાદી પાણી ફરી વળતાં પરથી પાણીનો ભારે પ્રવાહ અહીંથી વહી રહ્યો હતો. એવામાં એક કાર આ પુલ પરથી પસાર થતા તે નદીના પ્રવાહમાં તણાઈ હતી. જેમાં ત્રણ લોકો સવાર હતા. આ ઘટનામાં કાર ચાલકનું મોત થયું હતું, જ્યારે બે મહિલાઓને ગ્રામજનો દ્વારા રેસ્ક્યૂ કરીને બહાર કાઢવામાં આવી હતી. લોધિકા ગામના યુવાનો દ્વારા કારમાં ફસાયેલા લોકોને બચાવવા માટે નદીમાં ઝંપલાવ્યું હતું. તેમજ બે મહિલાઓની સહી સલામત રીતે બચાવવામાં આવી હતી. કાર ચાલક આ ઘટનામાં બચી શક્યો નહોતો.
ગ્રામજનોએ બે મહિલાને બચાવી, કાર ચાલકનું મોત
કાર તણાઈ હોવાની જાણ ગ્રામજનોને થતા તે ઘટના સ્થળે તાત્કાલિક દોડી આવ્યા હતા અને ત્રણ જેટલા યુવાનોએ નદીમાં ઝંપલાવ્યું હતું તેમજ આ કારમાં ડૂબતા લોકોને બચાવવાના પ્રયત્નો કરવામાં આવ્યા હતા. આ ઘટના દરમિયાન ડ્રાઇવરનું મૃત્યુ થયું હતું, પરંતુ બે મહિલાઓને ગ્રામજનો દ્વારા બચાવવામાં આવી હતી. જોકે નદીના પાણીમાં કાર ચાલકનું ડૂબી જવાના કારણે મોત થતાં વિસ્તારમાં પણ હાહાકાર મચી ગયો છે.
આ પણ વાંચો : નડિયાદ નજીક ટ્રક પાછળ ઇકો કાર ઘૂસી જતા સર્જાયો અકસ્માત, 3ના મોત, 5ઇજાગ્રસ્ત
સીટ બેલ્ટ ન ખુલતા કાર સવારનું થયું મોત
જ્યારે આ ગાડી તણાઇ કરી હતી ત્યારે કાર ચાલકે સીટબેલ્ટ બાંધ્યો હતો. પાણીના વહેણમાં અંદર તે બેલ્ટ ખુલી શક્યો નહોતો. આથી સીટ બેલ્ટ ખોલલા માટે તેને છરીથી તેને કાપવો પડયો હતો. જો કે ત્યાં સુધીમાં કાર ચાલકનું ડૂબવાના કારણે મૃત્યું થઇ ચૂક્યું હતું. એવું પણ માનવામાં આવી રહ્યું છે કે, સીટ બેલ્ટ ખુલી ગયો હોત તો ગ્રામજનો આ કાર ચાલકને બચાવી શક્યા હોત.
આ પણ વાંચો : Accident news : નડીયાદ પાસે ST બસ અને ડમ્પર વચ્ચે અકસ્માત, 1નું મોત, 8ને ઈજા
ગ્રામજનો કારને રોકવાનો કર્યો હતો પ્રયાસ
લોધિકા ગામમાં આવેલી રોણકી નદીમાં વરસાદી પાણીનું ઘોડાપુર આવતા ગ્રામજનો પણ નદી કિનારે પાણી જોવા આવ્યા હતા, ત્યારે અહીંથી એક કાર પસાર થઇ હતી. નદીમાં ભારે પ્રવાહ હોવાના કારણે આ કારને રોકવાનો પણ ગ્રામજનો દ્વારા પ્રયાસ કરવામાં આવ્યો હતો, પરંતુ કારચાલકે અચાનક ગાડીને પુલ પરથી ચલાવી હતી, જેના કારણે આ દુર્ઘટના સર્જાઇ હતી.
