રાજકોટ: જેતપુર પોલીસે અને SOGએ બાતમીના આધારે મેહબૂબ ઉર્ફે મેબલો પરમારની ડ્રગ્સ સાથે ધરપકડ કરી છે. મેહબૂબ પાસેથી 3.08 મિલીગ્રામ ડ્રગ્સ મળી આવ્યું છે. જેની કિંમત 3,80,000 આંકવામાં આવે છે. પોલીસે આ સાથે જ મહેબુબ પાસેથી 3,28,000નો મુદ્દામાલ પણ જપ્ત કર્યો છે. પોલીસ પૂછપરછમાં જાણવા મળ્યું કે, મેહબૂબ આ ડ્રગ્સ રાજકોટના જંગલેશ્વર વિસ્તારમાંથી લઈ આવતો હતો અને જેતપુરમાં યુવાનોને વહેંચતો હતો. આ ઉપરાંત આરોપી પોતે પણ ડ્રગ્સનો વ્યસની હતો.
જેતપુર પોલીસે ડ્રગ્સ સાથે એક યુવકની ધરપકડ કરી
ઉલ્લેખનીય છે કે, જેતપુર પોલીસ સ્ટેશનમાં મેહબૂબ પઠાણ વિરુદ્ધ 3 મારામારીના કેસ આ અગાઉ પણ દાખલ થયા હતા. જેથી પોલીસે NDPS એક્ટ મુજબ મહેબૂબ વિરુદ્ધ ગુનો નોંધી આ ડ્રગ્સના તાર ક્યાં-ક્યાં સુધી લંબાયેલા છે અને કોણ-કોણ આ કેસમાં સામેલ છે, તે દીશામાં તપાસનો ધમધમાટ શરુ કર્યો છે.
