રાજકોટના ખોડિયારનગરમાં 80 મકાનો પર ફરી વળ્યું બુલડોઝર, Demolition થી 100 પરિવાર બેઘર

રાજકોટ મહાનગરપાલિકા ( RMC demolition ) દ્વારા આજે વોર્ડ નંબર 13માં આવેલા ખોડિયારનગરમાં મેગા Demolition હાથ ધર્યું હતું. જેમાં 80 જેટલા મકાનો પર બુલડોઝર ફેરવીને તેને દૂર કરવામાં આવ્યાં હતાં. RMC ટીમ દ્વારા વહેલી સવારથી જ આ અભિયાનની શરૂઆત કરવામાં આવી હતી.

• રાજકોટના ખોડિયારનગરમાં 80 મકાનો પર ફરી વળ્યું બુલડોઝર
• રાજકોટ મહાનગરપાલિકા દ્વારા મેગા ડિમોલિશન કર્યું
• આ મકાનોમાં 100 કરતા વધુ પરિવારો વસતાં હતાં

રાજકોટમાં: RMC Demolition ની કામગીરીમાં વિજિલન્સ શાખા તેમજ પોલીસકર્મીઓ અને પીજીવીસીએલ ( PGVCL ) ના કર્મચારીઓને આ ડીમોલેશનની પ્રક્રિયા દરમિયાન હાજર રાખવામાં આવ્યાં હતાં. જ્યારે ડીમોલેશન અંગેની નોટીસ અગાઉ જ મનપા દ્વારા અહીંના સ્થાનિકોને આપવામાં આપી હતી. ત્યારે આજથી ખોડિયારનગરમાં ડીમોલેશન પ્રક્રિયા મહાનગરપાલિકા દ્વારા કરવામાં આવી હતી.

ટીપી રોડના નિર્માણમાં વચ્ચે આવતા મકાનો તોડી પડાયાં
રાજકોટ મહાનગરપાલિકાના વોર્ડ નંબર 13માં આવેલ ખોડીયારનગર વિસ્તારમાંથી ટી.પી.રોડ નીકળવાનો છે. ત્યારે મનપા દ્વારા એક વર્ષ અગાઉ આ ટીપી રોડ પર આવતા મકાનોના રહીશોને નોટિસ પાઠવવામાં આવી હતી. જ્યારે આ મામલે સ્થાનિકો દ્વારા પણ મનપામાં રજૂઆત કરવામાં આવી હતી. પરંતુ બે દિવસ અગાઉ ફરી મનપાએ સ્થાનિકોને નોટિસ આપ્યા બાદ આજે ( RMC ) મહાનગરપાલિકાની ટીમ Demolition માટે અહીં આવી પહોંચી હતી. તેમજ એકી સાથે 80 જેટલા મકાનો પર બુલડોઝર ફેરવ્યું હતું. જ્યારે ઘટના દરમિયાન કોઇ અનિચ્છનીય બનાવ ન બને તે પોલીસ તંત્રને પણ હાજર રાખવામાં આવ્યું હતું.

100થી વધુ પરિવારો આવ્યા રસ્તા પરરાજકોટના એસ.ટી. વર્કશોપ પાછળ આવેલા ખોડિયારનગરમાં આજે RMC દ્વારા મેગા Demolition કરવામાં આવ્યું હતું. જેમાં એક સાથે 80 જેટલા મકાનો તોડી પાડવામાં આવ્યાં હતાં. આ મકાનોમાં 100 કરતા વધુ અલગ-અલગ પરિવારો વસતાં હતાં. જ્યારે કોર્પોરેશન દ્વારા તેમના ઘર તોડી પાડવામાં આવતાં આ તમામ લોકો બેઘર થયાં છે. હાલ તેમનો ઘરવખરીનો સામાન પણ રસ્તા પર જોવા મળ્યો હતો. એક તરફ ચોમાસાની ઋતુ શરૂ છે અને બીજી તરફ Demolition થતાં સ્થાનિકો ઉપર આભ અને નીચે ધરતી જેવી સ્થિતિમાં મૂકાયાં છે.નેતાઓ માત્ર મત માગવા જ આવે છે : સ્થાનિકોખોડીયારનગરમાં મહાનગરપાલિકા દ્વારા Demolition કરવામાં આવતા અહીં વસતા 100 કરતાં વધુ પરિવારો રસ્તા ઉપર આવી ગયાં હતાં. તેમજ આ સ્થાનિકોએ રાજકીય નેતા ઉપર આક્ષેપ કરતાં જણાવ્યું હતું કે નેતાઓ માત્ર ચૂંટણી આવે ત્યારે મત લેવા જ આવે છે. જ્યારે અમને ખરેખર હાલ મુશ્કેલીમાં છીએ એવામાં એક પણ પક્ષના નેતાઓ અહીં અમારી ખબર પૂછવા આવ્યાં નથી.આ પણ વાંચોઃ રાજકોટ સિવિલ હોસ્પિટલમાં દવાઓ, ઇન્જેક્શન આપ્યા બાદ 25 દર્દીઓને આડઅસર

આ પણ વાંચોઃ કર્ણાટકના રાજ્યપાલનો કાર્યકાળ પૂરો કરી વજુબાપા પહોંચ્યા રાજકોટ