બંધારણનો દુરુપયોગને લઈ ગાંધીવાદીઓ ચિંતાગ્રસ્ત બન્યા: પૂર્વ આરોગ્ય પ્રધાન

જૂનાગઢ: 26 નવેમ્બરે દેશ બંધારણ દિવસની ઉજવણી રહ્યો છે. કોઈ પણ દેશ માટે તેનું બંધારણ અને તેની ઉજવણી ગર્વની બાબત હોય છે. આપણા દેશમાં પણ બંધારણ દિવસની ગર્વ સાથે ઉજવણી કરવામાં આવી રહીં છે. પરંતુ આઝાદી બાદના કેટલાંક વર્ષો પછી જે પ્રકારે ભારતીય બંધારણનો કાયદાથી સ્થાપિત સરકાર ગેર ઉપયોગ કરી રહી છે, તેને લઈને ગાંધીવાદી લોકો ચિંતાગ્રસ્ત બન્યા છે.

મંગળવારે સમગ્ર રાષ્ટ્ર બંધારણ દિવસની ઉજવણી કરી રહ્યો છે. દેશમાં ઠેર-ઠેર બંધારણની ઉજવણીને લઈને અનેક કાર્યક્રમો યોજવામાં આવ્યા છે. દુનિયાના તમામ દેશો માટે તેનું બંધારણ અને તેનો સ્થાપના દિવસ અગત્યનો હોય છે અને તેની ઉજવણી સમગ્ર વિશ્વમાં થતી હોય છે. પરંતુ ભારતની આઝાદીના કેટલાક વર્ષો બાદ કાયદા દ્વારા સ્થાપિત સરકાર જે પ્રકારે બંધારણની મર્યાદાઓનું ઉલ્લંઘન કરીને તેમની ઇચ્છા મુજબનું વ્યવસ્થાતંત્ર ઉભું કરવાનો પ્રયાસ કરતા હોય છે. જેને લઇને ગાંધીવાદી લોકોમાં આજે ચિંતા જોવા મળી રહી છે. જે લોકોના ખભે બંધારણને સાચવવાની અને તેની જોગવાઈઓની મર્યાદા સાથે અમલવારીની જવાબદારી છે, તેવા જ લોકો આજે બંધારણનો મજાક બનાવી રહ્યાં છે.