જૂનાગઢ પોલીસને મળી સફળતા, એક દિવસમાં ઉકેલ્યા 2 ગુનાના ભેદ

જૂનાગઢ પોલીસે મંગળવારે 2 ગુનાના ઉકેલ્યા છે. પોલીસે હત્યા સહિતના ગુનામાં સંડોવાયેલા અને 10 વર્ષથી ફરાર આરોપીની ધરપકડ કરી છે. આ સાથે જ પોલીસે ભિક્ષુકની હત્યા કરનારા આરોપીની પણ ધરપકડ કરી છે.

જૂનાગઢઃ મંગળવારે જિલ્લા પોલીસને 2 ગુના ઉકેલવામાં સફળતા મળી છે. પોલીસે ગત 10 વર્ષથી ફરાર અને હત્યા તેમજ 18 જેટલા ગંભીર ગુનાઓમાં સંડોવાયેલા પુંજા રબારીની ધરપકડ કરી છે. આ આરોપીની ધરપકડ ચોટીલા નજીકથી કરવામાં આવી છે.

આ ઉપરાંત ગત મંગળવારે જિલ્લાના ગળુ નજીક એક ભિક્ષુકની હત્યા કરવામાં આવી હતી. જેનો ભેદ ઉકેલવામાં પણ પોલીસને સફળતા મળી છે. પોલીસે આ ગુનામાં સંડોવાયેલા ખારાસા ગામના જય ચુડાસમાની ધરપકડ કરી છે.

પોલીસે આ બન્ને આરોપીની ધરપકડ કરી આગળની કાર્યવાહી હાથ ધરી છે.