પ્રદેશ ભાજપ પ્રમુખ સી.આર.પાટીલનું આશ્વાસન 60 વર્ષથી મોટી વયના નેતાને મળશે વિધાનસભાની ટીકિટ

પ્રદેશ ભાજપ પ્રમુખ સી.આર.પાટીલ આજે અમરેલી જીલ્લાના રાજુલાની મુલાકાતે હતા આ દરમિયાન તેમણે પક્ષના કાર્યકરોને નેતાને સંબોધતા જણાવ્યું હતું કે 60 વર્ષથી મોટી વયના નેતાઓને વિધાનસભાની ટિકિટો મળશે જે પ્રકારે સ્થાનિક સ્વરાજની ચૂંટણીમાં 60 વર્ષની વય મર્યાદા ઉમેદવારો માટે નક્કી કરવામાં આવી હતી ત્યારે આગામી વિધાનસભાની ચૂંટણીમાં આ પ્રકારની વયમર્યાદા લાગુ નહીં કરવામાં આવે એવું આશ્વાસન અમરેલીની સભા મંચ પર ચૂંટણી લડવા ઇચ્છતા નેતાઓની વચ્ચે આપતા હાસ્યની સાથે નેતાઓમાં હાશકારો પણ જોવા મળ્યો હતો

• પ્રદેશ ભાજપ પ્રમુખ સી.આર.પાટીલનું ઉમેદવારની વય મર્યાદાને લઈને અમરેલીમાં નિવેદન
• 60 વર્ષ કે તેથી વધુ વયના નેતાઓ વિધાનસભાની ચૂંટણી લડી શકશે તેવું આપ્યું નિવેદન
• 60 વર્ષની વયમર્યાદા સ્થાનિક સ્વરાજ અને કોર્પોરેશનની ચૂંટણીમાં અમલમાં હતી એવો કર્યો ખુલાસો

અમરેલી: પ્રદેશ ભાજપ પ્રમુખ સી.આર.પાટીલ આજે અમરેલી જિલ્લાની મુલાકાતે હતા રાજુલામાં યોજાયેલી સભામાં સીઆર પાટીલે મંચ પરથી ઉમેદવારોની વયમર્યાદાને લઈને નિવેદન આપ્યું છે નિવેદન આપતાની સાથે મંચ પર ચૂંટણી લડવા ઈચ્છા ધરાવતા નેતાઓ અને ઉમેદવારોમાં હાસ્યની સાથે હાસકારો પણ જોવા મળતો હતો સ્થાનિક સ્વરાજની ચૂંટણીમાં ઉમેદવારો માટે 60 વર્ષની વયમર્યાદા ભાજપ દ્વારા નક્કી કરવામાં આવી હતી ત્યારે આ નિયમ વિધાનસભાની ચૂંટણીઓમાં પણ લાગુ પડી શકે છે તેને લઈને ચૂંટણી લડવા માગતા ઉમેદવારો માં ખૂબ જ ઊંચાટ જોવા મળતો હતો પરંતુ આજે સી.આર.પાટીલનું નિવેદન સામે આવ્યું છે ત્યારબાદ 60 વર્ષથી વધુ વયના ચૂંટણી લડવા માગતા ઉમેદવારોમાં હાશકારો જોવા મળશે

ગત સ્થાનિક સ્વરાજ્યની ચૂંટણીમાં ભાજપે 60 વર્ષની વય મર્યાદાનો બનાવ્યો હતો નિયમસીઆર પાટીલ પ્રદેશ પ્રમુખ બન્યા બાદ પ્રથમ વખત ગુજરાતમાં સ્થાનિક સ્વરાજની ચૂંટણીઓમાં ચૂંટણી લડવા માગતા ઉમેદવારોની વય મર્યાદામાં 60 વર્ષ નક્કી કરવામાં આવી હતી ત્યારથી 60 વર્ષથી મોટી વય ધરાવનારા નેતાઓમાં અને ખાસ કરીને ધારાસભાની ચૂંટણી લડવા માંગતા અને વર્તમાન ધારાસભ્યોમાં એક પ્રકારે સોપો પડી ગયો હતો જો વિધાનસભાની ચૂંટણીમાં પણ આ જ પ્રકારે નિયમ લાગુ કરી દેવામાં આવે તો મોટાભાગના ધારાસભ્યો અને ચૂંટણી લડવા માગતા પૂર્વ ધારાસભ્યો અને સાંસદોની મનની મનમાં રહી જાય તેવી પરિસ્થિતિનું નિર્માણ થયું હતું ત્યારે આજે ખુદ સીઆર પાટીલે 60 વર્ષની વયમર્યાદા વિધાનસભાની ચૂંટણીઓમાં લાગુ પડતી નથી તેવું મંચ પરથી ભાજપના નેતાઓ અને ધારાસભ્યોની વચ્ચે નિવેદન કર્યું છે જેને લઇને ચૂંટણી લડવા માગતા વયોવૃદ્ધ નેતાઓમાં એક પ્રકારે હાશકારો જોવા મળશે