નેશનલ ચિલ્ડ્રન સાયન્સ કોંગ્રેસ દ્વારા સમગ્ર દેશમાં બાળ વિજ્ઞાન કોંગ્રેસ પરિષદનો આયોજન કરવામાં આવી રહ્યું છે. જેના ભાગરૂપે જિલ્લામાં બાળ વૈજ્ઞાનિક કોંગ્રેસનું આયોજન લોક વિજ્ઞાન કેન્દ્ર જૂનાગઢ ખાતે કરવામાં આવ્યું હતું. જેમાં જૂનાગઢ જિલ્લાની 30 કરતા વધુ શાળાઓએ ભાગ લઈને તેમના સંશોધનો રજુ કર્યા હતાં. રજુ થયેલા સંશોધનો પૈકી સર્વશ્રેષ્ઠ 10 સંશોધનોને રાજ્યકક્ષાએ મોકલવામાં આવશે, જેમાં બાળ વૈજ્ઞાનિકો રાજ્યકક્ષાએ ભાગ લેશે.
રાષ્ટ્રીય ચિલ્ડ્રન સાયન્સ પરિષદ દ્વારા 27મી બાળ વૈજ્ઞાનિક કોંગ્રેસનુ આયોજન કરવામાં આવ્યું જિલ્લા લોક વિજ્ઞાન કેન્દ્ર જૂનાગઢ ખાતે યોજાયેલી બાળ વૈજ્ઞાનિક કોંગ્રેસમાં શાળામાં અભ્યાસ કરતા વિદ્યાર્થીઓએ દેશની અને રાજ્યની વિવિધ સમસ્યાઓ પર તેમના સંશોધનો ઉપસ્થિત વિજ્ઞાન શિક્ષકો સમક્ષ રજુ કર્યા હતાં. જે પૈકી પર્યાવરણ માટે ખતરાની ઘંટી સમાન અને ગ્લોબલ વોર્મિંગ માટે જેને જવાબદાર માનવામાં આવે છે, તેવા પ્લાસ્ટિકની વૈકલ્પીક વ્યવસ્થાઓ કેમ કરી શકાય, પ્લાસ્ટિકને કઈ રીતે દૈનિક વપરાશ ઘટાડી શકાય તેના પર સંશોધનો રજુ કરવામાં આવ્યા હતાં. વિવિધ જીવન રક્ષક દવાઓ, દીર્ઘ આયુષ્ય અને નિરોગી જીવન જીવવા માટે ગૌમૂત્ર કેટલું ઉપયોગી છે, તેનો કયા પ્રકારે ઉપયોગ કરી શકાય તે અંગે બાળ વૈજ્ઞાનિકોએ સંશોધન રજુ કર્યું હતું.
