- ધ્રોલ સરકારી હોસ્પિટલમાં વેક્સિનની અછત
- લોકોને સમસ્યાનો સામનો કરવો પડ્યો હતો
- અર્બન હેલ્થ સેન્ટરમાં રસીનો પૂરતો જથ્થો ઉપલબ્ધ કરાવવો જોઈએ
જામનગરઃ ધ્રોલની સરકારી હોસ્પિટલ તથા અર્બન હેલ્થ સેન્ટરમાં વેક્સિનની અછત ઉભી થતા લોકોને ધક્કા ખાવાનો વારો આવ્યો હતો.
બે દિવસથી વેક્સિનની અછત, લોકો ધક્કા ખાઈ રહ્યા છે
એક બાજુ કોરોનાની મહામારી દિવસે દિવસે વધી રહી છે. જામનગર શહેર અને જિલ્લામાં સતત વધતા કોરોનાના કેસ વહીવટીતંત્ર માટે ચિંતાનો વિષય બન્યા છે, તો બીજી બાજુ ધ્રોલમાં સરકારી હોસ્પિટલ અને અર્બન હેલ્થ સેન્ટરમાં છેલ્લા બે દિવસથી કોરોનાની વેક્સિનની અછત ઉભી થઇ હતી. વેક્સિન લેવા આવેલા લોકોને બે દિવસથી હોસ્પિટલના ધક્કા ખાઇ વેક્સિન લીધા વગર ઘરે જવું પડે છે.
આ પણ વાંચોઃ કોરોના વેક્સીન માટે આરોગ્ય વિભાગ દ્વારા એક્શન પ્લાન તૈયાર
વહીવટી તંત્ર દ્વારા યોગ્ય પગલા લેવા માગ
એક બાજુ રાજ્ય સરકાર વેક્સિનેશન ઝૂંબેશ પૂરજોશમાં ચલાવી રહી છે. તમામ સિનિયર સિટીઝનોને કોરોનાની વેક્સિન મળી રહે તે માટે તમામ પ્લાનિંગ કરી રહ્યા છે, પણ ધ્રોલમાં સરકારી હોસ્પિટલમાં છેલ્લા બે દિવસથી વેક્સિનનો અભાવ જોવા મળી રહ્યો હતો.
ધ્રોલના સ્થાનિકોમાં રોષ જોવા મળી રહ્યો છે
કોરોનાની વેક્સિનની અછત થતા ધ્રોલના સ્થાનિકોમાં રોષ જોવા મળી રહ્યો છે. ત્યારે સ્થાનિકો માગ કરી રહ્યા છે કે, રાજ્ય સરકારે તાત્કાલિક જરૂરી વિસ્તારમાં આવેલી સરકારી હોસ્પિટલ અને અર્બન હેલ્થ સેન્ટરમાં રસીનો પૂરતો જથ્થો ઉપલબ્ધ કરાવવો જોઈએ.
આ પણ વાંચોઃ મહારાષ્ટ્રમાં કોરોનાના વધતાં સંક્રમણને પગલે સૌરાષ્ટ્રમાં રેમડેસિવિર ઈન્જેક્શનની અછત
