ગાંધીનગરઃ શહેરમાં કોવિડ-19 તકેદારી રાખવાના જરૂરી પગલાં જેવા કે માસ્ક પહેરવું, 6 ફૂટનું સામાજિક અંતર જાળવવું, રોગપ્રતિકારક શક્તિ વધારવા આયુષ ઉપચાર પદ્ધતિ અપનાવવી, નિયમિત યોગ, વ્યાયામ કરવા, જીવનશૈલીમાં સુધારો લાવવો અને ઘરમાં બાળક અને વડીલ વિશેષ કાળજી રાખવા જેવી બાબતના શપથ જિલ્લાની વિવિધ કચેરીના અધિકારી- કર્મચારીઓ દ્વારા લેવામાં આવ્યાં હતાં.
ગાંધીનગર જિલ્લા કલેક્ટર કચેરી સહિત અન્ય કચેરીઓમાં પણ આ શપથ અધિકારીઓ, કર્મયોગીઓએ લીધા હતા. તે ઉપરાંત કલોલ, માણસા અને દહેગામ ખાતે વિવિધ સરકારી કચેરી ખાતે પણ શપથગ્રહણ કાર્યક્રમ યોજાયો હતો.
