ગુજરાત સરકારે વિધાનસભામાં 2018-19માં 2,40,652 કરોડનું દેવું હોવાનું સ્વીકાર્યું

હાલ વિધાનસભામાં ચોમાસું સત્ર ચાલી રહ્યું છે. ગુજરાત રાજ્યની વિધાનસભાના સાતમા સત્રમાં આણંદના ધારાસભ્ય કાંતિ પરમારે ત્રીજા દિવસે પ્રશ્ન પૂછ્યો હતો કે, રાજ્યની તિજોરી પર કેટલા રૂપિયાનું દેવું છે? તેના જવાબ આપતા નાણાપ્રધાન નીતિન પટેલે રાજ્ય પર વર્ષ 2018-19માં 2,40,652 કરોડનું દેવું હોવાનું સરકારે સ્વીકાર્યું હતું.

ગાંધીનગરઃ ગુજરાત રાજ્યની વિધાનસભાના સાતમા સત્રમાં આણંદના ધારાસભ્ય કાંતિ પરમારે ત્રીજા દિવસે પ્રશ્ન પૂછ્યો હતો કે, રાજ્યની તિજોરી પર કેટલા રૂપિયાનું દેવું છે ? તેના જવાબમાં નાણાપ્રધાન નીતિન પટેલે જણાવ્યું હતું કે, 2018- 19માં રાજ્યની તિજોરી પર 2,40,652 કરોડનું દેવું છે.

જેમાંથી રાજ્ય સરકારે કેન્દ્ર પાસેથી 7223 કરોડની લોન લીધી છે. જેમાં 2014-15માં 365 કરોડ, 2015-16માં 514 કરોડની ચૂકવણી છે. જ્યારે 2016-17માં 468 કરોડ, 2017-18માં 430 કરોડની અને 2018-19માં 406 કરોડની ચૂકવણી કરી છે. સામાન્ય રીતે કેન્દ્ર સરકાર પાસે રાજ્ય સરકારે લીધેલા લોનનો વ્યાજદર 0થી 13 ટકા હોય છે.