- જસ્ટીસ ડી.એ. મહેતા તપાસ પંચે અહેવાલ આપ્યો
- અમદાવાદની શ્રેય, રાજકોટની ઉદય શિવાનંદ હોસ્પિટલનો છે રિપોર્ટ
- કોવિડ હોસ્પિટલમાં દર્દીઓ જીવતા સળગ્યા હતા
ગાંધીનગર: અમદાવાદની શ્રેય હોસ્પિટલ અને રાજકોટની ઉદય શિવાનંદ કોવિડ હોસ્પિટલની આગ દુર્ઘટનાઓના તપાસ અહેવાલ મુખ્યપ્રધાનને સુપ્રત કરાયો છે. રાજ્ય સરકારે કમિશન ઓફ ઇન્કવાયરી એક્ટ હેઠળ નિમેલા જસ્ટીસ ડી.એ.મહેતા તપાસ પંચે પોતાનો અહેવાલ મુખ્યપ્રધાનને સોંપ્યો છે. જસ્ટીસ ડી.એ. મહેતાએ ગુજરાત હાઇકોર્ટના નિવૃત્ત ન્યાયાધીશ છે. જેમને અમદાવાદની શ્રેય હોસ્પિટલ અને રાજકોટની ઉદય શિવાનંદ કોવિડ હોસ્પિટલમાં તપાસ કર્યા બાદ સર્જાયેલી આગ દુર્ઘટનાઓના તપાસ અહેવાલ ગાંધીનગરમાં સુપ્રત કર્યા હતા.
આ પણ વાંચોઃ શ્રેય હોસ્પિટલમાં આગ કાબૂમાં લેનારા ફાયરબ્રિગેડના જવાનો ક્વોરેન્ટાઇન થયા
ઓગસ્ટ અને નવેમ્બર તપાસ પંચની નિમણૂક
ગત ઓગસ્ટ મહિનામાં અમદાવાદની શ્રેય હોસ્પિટલમાં તેમજ નવેમ્બર માસમાં રાજકોટની ઉદય શિવાનંદ કોવિડ હોસ્પિટલમાં લાગેલી આગની દુર્ઘટના માટે તપાસ પંચની નિમણૂક કરાઈ હતી.
બન્ને હોસ્પિટલમાં નિર્દોષ જીવતા સળગી ગયા હતા
રાજકોટની ઉદય શિવાનંદ કોવિડ હોસ્પિટલમાં આગ લાગવાની ઘટનાને લઈને 5 દર્દીઓના મોત થયાં હતા, જ્યારે અમદાવાદની શ્રેય હોસ્પિટલમાં લાગેલી આગના કારણે 8 નિર્દોષોએ પોતાનો ભોગ આપવો પડ્યો હતો. આ ઘટનાના ઘેરા પ્રત્યાઘાત પડતા તપાસનો આદેશ આપવામાં આવ્યો હતો. જેનો રિપોર્ટ CM વિજય રૂપાણીને સોંપવામાં આવ્યો છે.
આ પણ વાંચોઃ શ્રેય હોસ્પિટલની આગ: દર્દીઓને બચાવવા ગયેલા પોલીસકર્મીઓમાં કોરોનાનાં લક્ષણો દેખાયા
