- માસ પ્રમોશન બાદ ધોરણ 10નું પરિણામ જાહેર
- કુલ 8,57,204 વિદ્યાર્થીઓનું પરિણામ જાહેર
- A1 ગ્રેડ સાથે કુલ 17,186 વિદ્યાર્થીઓ થયા પાસ
- માતૃભાષા ગુજરાતી અને ગણિત વિષયમાં વિદ્યાર્થીઓનું નબરૂ પરિણામ
ગાંધીનગર: કોરોનાની બીજી લહેરના કારણે મુખ્યપ્રધાન વિજય રૂપાણીની અધ્યક્ષતામાં મળેલી કોર કમિટીની બેઠકમાં ધોરણ10ના નિયમિત વિદ્યાર્થી(Students)ઓને માસ પ્રમોશન (Mass promotion) આપવાની જાહેરાત કરવામાં આવી હતી. ત્યારે આજે મંગળવારે ધોરણ 10ના નિયમિત વિદ્યાર્થીઓ(Students)નું સત્તાવાર પરિણામ રાજ્યના શિક્ષણ બોર્ડ દ્વારા જાહેર કરવામાં આવ્યું છે. જેમાં કુલ 8,57,204 વિદ્યાર્થીઓનું પરિણામ જાહેર થયું છે.
ક્યાં ગ્રેડમાં કેટલા વિદ્યાર્થીઓ થયા પાસ
| ગ્રેડ | વિદ્યાર્થીઓ |
| A1 | 17,186 |
| A2 | 57,362 |
| B1 | 1,00,973 |
| B2 | 1,50,432 |
| C1 | 1,85,266 |
| C2 | 1,72,253 |
| D | 1,73,732 |
માતૃભાષા ગુજરાતીમાં 1,36,557 વિદ્યાર્થીઓને D ગ્રેડ
રાજ્યના શિક્ષણ બોર્ડ દ્વારા ધોરણ 10નું પરિણામ જાહેર કરવામાં આવ્યું છે. ત્યારે મહત્વની વાત કરવામાં આવે તો ગુજરાતની માતૃભાષા એવી ગુજરાતી ભાષામાં જ 1,36,557 વિદ્યાર્થીઓને D ગ્રેડ પ્રાપ્ત થયો છે. આમ ગુજરાતી ભાષામાં જ વિદ્યાર્થીઓ નબળા હોવાનું ફરી એકવાર સામે આવ્યું છે. જ્યારે ટકાવારીની વાત કરવામાં આવે તો 15.93 ટકા વિદ્યાર્થીને ગુજરાતી ભાષામાં D ગ્રેડ પ્રાપ્ત થયો છે.
આ પણ વાંચોઃ રાજ્યમાં ધોરણ 10 અને 12ના રીપીટર્સની પરીક્ષા રદ કરવા હાઇકોર્ટમાં અરજી
સૌથી વધુ D ગ્રેડ ગણીત વિષયમાં
ગુજરાતી બાદ ગણિત વિષયમાં સૌથી વધુ 2,73,699 જેટલા વિદ્યાર્થીઓ(Students)ને D ગ્રેડ પ્રાપ્ત થયો છે. આમ તમામ વિષયો કરતાં ગણિત વિષયમાં ધોરણ 10ના વિદ્યાર્થીઓ કાચા રહ્યા હોય તેવું પરિણામ પરથી સ્પષ્ટ લાગી રહ્યું છે. જ્યારે વિજ્ઞાન વિષયમાં 2,60,478 અને સામાજિક વિજ્ઞાનમાં 1,68,490 વિદ્યાર્થીઓને D ગ્રેડ પ્રાપ્ત થયો છે.
ક્યાં જિલ્લાનું સૌથી સારું પરિણામ?
રાજ્યના જિલ્લા પ્રમાણે જો વાત કરવામાં આવે તો સૌથી સારું પરિણામ સુરત શહેરમાં નોંધાયું છે. જેમાં કુલ 2991 જેટલા વિદ્યાર્થીઓ(Students)ને A1 ગ્રેડ પ્રાપ્ત થયો છે. ત્યારબાદ રાજકોટ 2056, જૂનાગઢ 1018, અમદાવાદ ગ્રામ્ય 1158 અને ભાવનગર 1166 વિધાર્થીઓએ A1 ગ્રેડ પ્રાપ્ત કર્યો છે. આમ આ તમામ જિલ્લાનું પરિણામ સારું આવ્યું છે. જ્યારે ગુજરાતનું આર્થિક પાટનગર ગણાતું અમદાવાદ શહેરમાં 1 હજાર જેટલા વિદ્યાર્થીઓ પણ એ વન ગ્રેડ પ્રાપ્ત કરી શક્યા નથી. અમદાવાદ શહેરમાં ફક્ત 881 વિદ્યાર્થીઓએ એ-વન ગ્રેડ પ્રાપ્ત કરવામાં સફળ રહ્યા છે.
ક્યાં જિલ્લાનું સૌથી ખરાબ પરિણામ?
સૌથી ખરાબ પરિણામ આવ્યું હોય તે જિલ્લાઓની જો વાત કરવામાં આવે તો બનાસકાંઠા, સુરત, આણંદ અને કચ્છ જિલ્લામાં D ગ્રેડ ધરાવતા વિદ્યાર્થીઓ(Students)ની સંખ્યા વધુ છે. જિલ્લા પ્રમાણે સંખ્યાની જો વાત કરવામાં આવે તો બનાસકાંઠામાં 11,967 સુરતમાં 10,469 આણંદમાં 10,170 અને કચ્છ જિલ્લામાં 9188 વિદ્યાર્થીઓ D ગ્રેડમાં નોંધાયા છે.
આ પણ વાંચોઃ શિક્ષણ વિભાગનો પરીક્ષાઓને લઈને મહત્વનો નિર્ણય, યુનિવર્સિટીઓ યોજશે ઓફલાઈન પરીક્ષા
દાદરાનગર હવેલીમાં ફક્ત 2 જ વિધાર્થીઓ A1 ગ્રેડમાં
કેન્દ્રશાસિત પ્રદેશની વાત કરવામાં આવે તો દાદરનગર હવેલીમાં ફક્ત 2 જ વિદ્યાર્થીઓ(Students)ને A1 ગ્રેડ પ્રાપ્ત થયો છે. દીવમાં 8 વિદ્યાર્થીઓ અને ડાંગ જિલ્લામાં ફક્ત 4 વિધાર્થીઓને A1 ગ્રેડ પ્રાપ્ત થયા છે. જ્યારે A1 ગ્રેડ ધરાવતા 50થી ઓછા વિધાર્થીઓ હોય તેવા જિલ્લામાં ડાંગ, આહવા, નર્મદા, તાપી, છોટાઉદેપુર જિલ્લાનો સમાવેશ થયો છે.
આ પણ વાંચોઃ Mass promotion કેમ નહી? રીપીટરની પરીક્ષાના નિર્ણયને લઈને વાલીમંડળ હાઇકોર્ટમાં જશે
