આખરે શંકરસિંહ વાઘેલાએ 'ઘડી' બંધ કરી, પ્રજા શક્તિ મોરચાની બાગડોર સંભાળશે

પૂર્વ મુખ્યપ્રધાન શંકરસિંહ વાઘેલાએ આખરે એનસીપીના તમામ હોદ્દા ઉપરથી રાજીનામું આપી દીધું છે. ગુજરાતના પ્રદેશ પ્રમુખને લઈને ગૂંચવાયેલું કોકડું નહી ઉકેલાતા બાપુએ ઘડીને સમય આપવાનું બંધ કર્યું છે. બાપુએ કહ્યું કે, રાષ્ટ્રીય પ્રમુખ સાથે વાત થઈ હતી. તેમની સમસ્યાનું સમાધાન લાવવા પણ જણાવ્યું હતું પરંતુ ત્યારબાદ તે માત્ર વાતો જ સાબિત થઇ હતી.જેને લઇને હતી.જેને લઇને લઇને આખરે આજે શરદ પવારને રાજીનામું આપી દીધું હતું.

ગાંધીનગરઃ રાજ્યના પૂર્વ મુખ્યપ્રધાન શંકરસિંહ વાઘેલાએ ગુજરાતમાં એનસીપીને ધબકતું કરવા માટે બાગડોર સંભાળી હતી. પરંતુ બાપુને માત્ર હોદ્દો આપીને તમામ કામગીરી ઉપરથી થતી હોય તેવું જોવા મળતાં કાર્યકરો નારાજ થયાં હતાં. જેને લઈને થોડા સમય પહેલાં બાપુએ કાર્યકરોની વાત રાષ્ટ્રીય કક્ષા સુધી પહોંચાડી હતી. પરંતુ તેનું પરિણામ નહીં આવતાં આખરે બાપુએ આજે સોમવારે એનસીપીમાંથી રાજીનામું આપી દીધું હતું.

શંકરસિંહે પ્રેસ કોન્ફરન્સ સંબોધીને કહ્યું હતું કે, રાજ્યસભાના ચાર ઉમેદવારોને અભિનંદન આપું છું, તેની સાથે ગુજરાતના પ્રશ્નોને રાજ્યસભામાં રજૂ કરી વાચા આપે તેવી આશા પણ રાખું છું. એનસીપીના રાષ્ટ્રીય પ્રમુખ શરદ પવારે મને ફોન કરીને બોલાવ્યો હતો અને દિલ્હીની જવાબદારી આપવાની પણ વાત કરી હતી. પ્રફુલ પટેલે ગુજરાતના પ્રમુખ બદલવાની વાત કરી હતી પરંતુ મેં રૂબરૂ મળીને ચર્ચા કરવાનું કહ્યું તો જવાબ મળ્યો હતો.હવે ભાજપ કોંગ્રેસ નહીં પરંતુ પ્રજા શક્તિ મોરચો રાજ્યમાં આગળ આવશે. તેમણે કહ્યું કે એક કમિટી બનાવવામાં આવી છે. જેમાં હું સામેલ નથી, પરંતુ તે કમિટીને માર્ગદર્શનની જરૂર પડશે તે હું આપીશ. પ્રજા શક્તિ મોરચો આગામી વિધાનસભાની પેટાચૂંટણીઓ સહિત તાલુકા અને જિલ્લા લેવલે ચૂંટણીઓ લડશે.