રાજ્યના સામાન્ય વહીવટ વિભાગે જારી કર્યા આદેશો, રાષ્ટ્રધ્વજ અડધી કાઠીએ ફરકાવાશે

ભારતના પૂર્વ રાષ્ટ્રપતિ પ્રણવ મુખરજીના દુ:ખદ નિધનના શોકમાં ભારત સરકારે 31 ઓગસ્ટથી 6 સપ્ટેમ્બર સુધી 7 દિવસનો રાષ્ટ્રવ્યાપી શોક જાહેર કર્યો છે. જેને લઇને રાજ્યની તમામ સરકારી કચેરીમાં લગાવેલો રાષ્ટ્રધ્વજ અડધી કાઠીએ કરવામાં આવ્યો છે.

ગાંધીનગરઃ ભારત સરકારની સૂચનાને પગલે રાજ્ય સરકારના સામાન્ય વહીવટ વિભાગે પણ ગુજરાતમાં આ શોક પાળવા અંગેના આદેશો જારી કર્યા છે. રાજ્યમાં જે સરકારી ભવનો-ઇમારતો પર નિયમિતપણે રાષ્ટ્રધ્વજ ફરકાવવામાં આવે છે તે આ રાષ્ટ્રવ્યાપી શોકના સમયગાળા 31 ઓગસ્ટથી 6 સપ્ટેમ્બર સુધી અડધી કાઠીએ ફરકાવવાના રહેશે. એટલું જ નહીં, આ દિવસો દરમિયાન કોઇ સત્તાવાર મનોરંજન કાર્યક્રમો પણ યોજી શકાશે નહીં.

રાજ્યના સામાન્ય વહીવટ વિભાગે જારી કર્યા આદેશો, રાષ્ટ્રધ્વજ અડધી કાઠીએ ફરકાવાશે