કટોસણ રોડ-બહુચરાજી-ચાણસ્મા-રણુજ રેલવે લાઇન પ્રોજેક્ટને 787 કરોડના ખર્ચે ગેજ કન્વર્ઝન કરાશે: નીતિન પટેલ

ઉત્તર ગુજરાતના રેલવે યાત્રીઓની સુવિધામાં વધારો કરવા માટે કટોસણ રોડ-બહુચરાજી-ચાણસ્મા-રણુજ રેલવે લાઇન પ્રોજેક્ટને રૂપિયા 787 કરોડના ખર્ચે ગેઝ કન્વર્ઝન કરવામાં આવશે. આ 65 કિલોમીટરનો પ્રોજેકટ છે.

• રૂપિયા 787 કરોડના ખર્ચે ગેઝ કન્વર્ઝન કરવામાં આવશે
• બહુચરાજી રેલ કોર્પોરેશન લીમિટેડની રચના કરવામાં આવી છે
• રૂપિયા 787 કરોડના ખર્ચે આ પ્રોજેક્ટનું નિર્માણ કરાશે

ગાંધીનગર : ઉત્તર ગુજરાતના રેલવે યાત્રીઓની સુવિધામાં વધારો કરવા માટે કટોસણ રોડ-બહુચરાજી-ચાણસ્મા-રણુજ રેલ્વે લાઇન પ્રોજેક્ટને રૂપિયા 787 કરોડના ખર્ચે ગેઝ કન્વર્ઝન કરવામાં આવશે. આ 65 કિલોમીટરનો પ્રોજેકટ છે. આ અંગે નાયબ મુખ્યપ્રધાન નીતિન પટેલે માહિતી આપી છે.

કટોસણ રોડ-બહુચરાજીના 27.5 KMને આવરી લેવામાં આવશે

આ રેલવે લાઇનના 65 KMના ગેઝ કન્વર્ઝનના પ્રોજેક્ટના અમલીકરણ માટે બહુચરાજી રેલ કોર્પોરેશન લીમિટેડની રચના કરવામાં આવી છે. અંદાજીત રૂપિયા 787 કરોડના ખર્ચે આ પ્રોજેક્ટનું નિર્માણ કરાશે. જેમાં પ્રથમ તબક્કામાં કટોસણ રોડ-બહુચરાજીના 27.5 KMને આવરી લેવામાં આવશે. આ પ્રોજેક્ટ માટે અંદાજીત કિંમત રૂપિયા 375 કરોડ મંજૂર કરવામાં આવી છે.

શેર હોલ્ડિંગ પેટર્નમાં જી-રાઇડના 45 ટકા, જીઆઇડીસીના 29 ટકા અને મારૂતિ સુઝુકીના 26 ટકાને મંજૂરી

રેલ મંત્રાલય દ્વારા બન્ને તબક્કાની પ્રોજેક્ટની કુલ કિંમત રૂપિયા 787 કરોડ અને સુધારેલા શેર હોલ્ડિંગ પેટર્નમાં જી-રાઇડના 45 ટકા, જીઆઇડીસીના 29 ટકા અને મારૂતિ સુઝુકીના 26 ટકાને મંજૂરી આપવામાં આવી છે.

પરિવહનની સુવિધામાં થશે વધારો

આ નવીન પ્રોજેક્ટના નિર્માણ થકી મહેસાણા અને પાટણ જિલ્લાના યાત્રીઓને મળતી રેલવે સુવિધામાં તેમજ માલસામાનના પરિવહનની સુવિધામાં પણ વધારો થશે અને આ વિસ્તારનો ઔદ્યોગિક વિકાસ મોટા પ્રમાણમાં વધશે, જેના કારણે ધંધા-રોજગારમાં પણ મોટી વૃદ્ધિ થશે.