ભારે વરસાદથી કુલ 1022 kMના રોડ તૂટ્યાં, 10 વર્ષથી જૂનાં રોડ પર રીપેરિંગની જરૂરિયાત :નીતિન પટેલ

રાજ્યમાં ભારે વરસાદના કારણે અનેક રસ્તાઓ અત્યંત દયનીય પરિસ્થિતિમાં આવી ગયાં છે ત્યારે તમામ જગ્યાએ અને જાહેર જનતાનો ભારે વિરોધ થવાને કારણે કેટલા રસ્તા કેવી રીતે અને ક્યાં ક્યાં તૂટ્યાં છે તે અંગેનો અધિકારીઓ દ્વારા સર્વે કરવામાં આવ્યો હતો. જેમાં રાજ્યમાં કુલ 1022 જેટલા રસ્તાઓ ભારે વરસાદના કારણે ધોવાઈ ગયાં હોવાનું રાજ્યના માર્ગ અને મકાન વિભાગના પ્રધાન નીતિન પટેલે જણાવ્યું હતું. જ્યારે વરસાદને કારણે પ્રાથમિક અંદાજ મુજબ 300થી 400 કરોડના રસ્તા નુકશાન થયું હોવાનું અનુમાન કરવામાં આવ્યું છે.

ગાંધીનગર: નીતિન પટેલે વધુમાં જણાવ્યું હતું કે, રાજ્યમાં ભારેથી અતિભારે વરસાદના કારણે કોઈ 1022 કિલોમીટરના રસ્તાઓ ધોવાઈ ગયા છે, રસ્તા તૂટવાની ફરિયાદ આવતાની સાથે જ માર્ગ અને મકાન વિભાગના અધિકારીઓને સમગ્ર રાજ્યમાં રસ્તા બાબતે સર્વે કરવાની સૂચના આપવામાં આવી હતી. આ સૂચનાને ધ્યાનમાં લઇને રાજ્યમાં કયા કયા રસ્તાઓ તૂટ્યાં છે તે અંગેનો સર્વે કરીને રિપોર્ટ તૈયાર કરવામાં આવ્યો હતો. જે આજની બેઠકમાં ચર્ચા કરવામાં આવી છે.

માર્ગ અને મકાન વિભાગની બેઠક બાદ નાયબ મુખ્યપ્રધાન નીતિન પટેલે જણાવ્યું હતું કે, રાજ્યમાં સતત વરસાદ અને ભારે વરસાદને કારણે મૂશળધાર વરસાદ કારણે રસ્તામાં નુકસાન થયું છે. તે નુકસાનથી ઝડપથી રીપેર કરવા માટે અને રાજ્યના બધા જ રસ્તાઓ વાહન ચલાવવાને લાયક કરવા માટે બધા જ પ્રકારની કામગીરી હાથ ધરવા આવી છે. રાજ્યમાં 75,232 કિલોમીટરના માર્ગ મકાન વિભાગના હસ્તક છે જે પ્લાન્ટેડ રસ્તા તરીકે ઓળખાય છે, જ્યારે 30,000 કિલોમીટરના નોન પ્લાન્ટ રસ્તાઓ છે જે જિલ્લા પંચાયત હસ્તક કામગીરી કરવામાં આવે છે. આમ લગભગ 1 લાખ કિલોમીટરના રસ્તાઓ ગુજરાત રાજ્યમાં ગામડાં સુધી નેટવર્ક જોડાયેલા છે. રાજયમાં 3077 કિલોમીટર રસ્તા નેશનલ હાઈવેના છે, 28,637 કિલોમીટરના રસ્તા સ્ટેટ હાઇવેના છે અને 43,317 કિલો મીટરના રસ્તા રાજ્ય સરકારના પંચાયત વિભાગના હસ્તક છે.પટેલે વધુમાં જણાવ્યું હતું કે, રાજ્યમાં કુલ 22,640 કિલોમીટરના રસ્તાઓને ભારે નુકસાન થયું છે, તે પૈકી 1022 કિલોમીટરના રસ્તાઓ ત્રણ વર્ષની સમય મર્યાદામાં છે તેના પર આ વરસાદથી નુકસાન થયું છે. તે તમામ નુકસાનની કામગીરીની જવાબદારી કોન્ટ્રાકટરની રાહે છે. જ્યારે મેટલ વર્ક, પેચ વર્ક અને ખાડા પડી ગયાં હોય તેવા કુલ 9301 રસ્તાઓ છે. જે રસ્તાઓને ખાસો સમય થઇ ગયો છે જેને 5 થી 10 વર્ષની ઉપર સમય થયો છે તેવા રસ્તાની લંબાઈ 243 કી.મી છે. જેમાં પેચ વર્ક કરવામાં આવશે. આ ખર્ચ રાજ્ય સરકાર ઉઠાવશે. આમ કુલ 3369 કિલોમીટરના રોડ પર પેચ વર્ક કરવામાં આવશે. અત્યારે જ્યાં વરસાદ નથી ત્યાં ડામર પેવર કામગીરી કરવાની સૂચના આપી દેવામાં આવી છે. જ્યારે જેવો વરસાદ બંધ થાય તેવી તરત કામગીરી હાથ ધરવામાં આવશે. તમામ મટિરીયલ એકઠું કરી દેવામાં આવ્યું છે. વરસાદ બંધ થશે ત્યારે નવરાત્રિ સુધી મોટા રસ્તામાં કામગીરી પૂર્ણ કરવાનું લક્ષ્ય છે.